UZ

Сўнгги янгиликлар

08:43"Ал Иттиҳод" 20 ёшли сербиялик футболчига 21 миллион евро тўлади  0 08:16Суперлига. Бугун Қашқадарё дербиси бўлиб ўтади  0 07:44Криштиану Роналду яна бир совринга эга чиқди  1 01:0140 ёшли Фабиански яна "Вест Хэм"га қайтди. Дарвозабон ўтган мавсум охирида клубни тарк этганди  0 00:41Расман: Эриксен эркин агент сифатида "Вольфсбург"га ўтди  0 23:42Рўзиқул Бердиев: "Беш кишилик ҳимояни ёриб ўтишни яхши уддаладик. Элит ОЧЛда муносиб бўлишга ҳаракат қиламиз"  6 22:56"Бавария" бир неча йил аввал 14 ёшли Ямални сотиб олмоқчи бўлган, аммо трансфер суммасини тўлашга журъат этмаган  6 22:21Виктор Карпенко: "Илк гол сабаб биринчи бўлимда тўртта ўтказдик"  7 21:44Анри Франция терма жамоаси ҳақида: "Янги мураббий ким бўлишини барчамиз биламиз"  0 21:20Нойер: "Германия таркибида бошқа ўйнамайман. Бу онгли қарор эди"  4 20:52Суперлига. "Насаф" "Бухоро"ни йирик ҳисобда мағлуб этди  64 19:23Тоуни: "Саудия лигаси мен учун АПЛ билан бир даражада"  8 18:273 ўйинда 2 очко тўплаган Симеоне: "Учинчи ўрин етарли эмас. Чемпион бўлиш вақти келди"  5 17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  46 17:18Тожикистоннинг икки терма жамоасида истеъфо юз берди  17

Вадим Абрамов: "Динамо" қачон ўз майдонида ўйнайди? Ўзим ҳам шуни кутяпман. Бизда ҳатто шуғулланиш учун майдон йўқ" Янгиликлар

Вадим Абрамов: "Динамо" қачон ўз майдонида ўйнайди? Ўзим ҳам шуни кутяпман. Бизда ҳатто шуғулланиш учун майдон йўқ"

Ўзбекистон Кубоги 3-туридан ўрин олган "Динамо" – "Навбаҳор" (1:1) учрашувидан кейин самарқандликлар устози Вадим Абрамов журналистлар саволларига жавоб қайтарди.

- Ўйин ҳақида

- Ғалаба учун астойдил ҳаракат қилгандик, аммо ўхшамади. Ҳимояда қўпол хатоларга йўл қўйдик. "Навбаҳор"да вазиятлар деярли йўқ эди. Ютқазмасдан туриб ҳам турнирдан чиқиб кетиш – аламли. Биз устунликка эга бўлган ўйинларимизда ижобий натижага эришолмадик. 

- "Навбаҳор" мотивациясиз ва иккинчи таркиб билан ўйнади. Сизларда мотивация бор эди. "Динамо" йигитларининг иккинчи бўлимда кўзлари ёнмади. Нега бундай бўлди?

- Иккинчи таркибми ёки йўқ, билмайман. Бунгача кам ўйин амалиётига эга бўлганлар майдонга туширилганда, аксинча сизга қийин бўлади. Улар босимсиз, завқ билан футбол ўйнашди. Биз ўйин бошидаги вазиятларимизни голга айлантиришимиз керак эди.

- "Динамо" Кубокда плей-оффга чиқмаганига қарамай, ёрқин ўйинлар кўрсатди. Жамоа қачон ўз майдонида ўйнайди?

- Бу савол менга тааллуқли эмас деб ўйлайман. Ўзим ҳам шуни кутяпман. Бизда ҳатто шуғулланиш учун майдон йўқ. Бунинг ортидан муаммолар келиб чиқмоқда. Бу саволингизга аниқ жавоб беролмайман. Ҳаммаси менга боғлиқ эмас.

- "Динамо" ўзбек футболи гигантига қарши муносиб ўйин намойиш қилди. Жамоа Кубок доирасидаги айнан қайси учрашувда ғалабага кўпроқ лойиқ эди?

- Барча учрашувларда ғалабага яқин эдик. Бу – аламли. Чемпионатдаги мағлубиятларда ҳам хатолар бизга қимматга тушди. Андижонда ва "Насаф" билан ўйинда ҳам устун кўрингандик. Бугун ҳам мана йўқ жойдан гол ўтказиб юбордик.

- Ўзбек футболида бир неча йиллардан буён ишлаб келаётган мутахассис сифатида Ўзбекистон Кубоги мусобақасининг ҳозирги форматини қандай баҳолайсиз? Бунақаси бошқа жойда йўқ...

- Мен ҳам сиз каби бундан ҳайратдаман. Кубок мусобақасининг регламенти йўқ. Чемпионат регламенти бор. Мен ҳар доим қизиқадиганим – агар 3 та жамоа бир хил очко тўпласа, қандай йўл тутилиши ҳақида бўлади. Улар бу ҳолатда чемпионат регламентига мурожаат этилиши ҳақида айтишади. Кубок – умуман бошқа форматдаги мусобақа. Бу саволингиз ҳам менга тааллуқли эмас. Мен шунчаки борига баҳо беришим мумкин. Бизнинг вазифамиз – майдонга чиқиб ўйнаш. Эҳтимол, ўйинлар сони кўпроқ бўлиши учун шундай қилингандир. 

- "Динамо" иккинчи бўлимда фаол равишда тўпга эгалик қилиб, кўплаб ҳужумлар уюштирди. Жамоа бу ўйинни биринчи бўлимда намойиш этишига нима халақит қилди? 

- Рақиб бунга йўл қўймади. Улар иккинчи таймда чарчаб қолишгани сезилди. Бизникилар ҳам чарчаб қолишди. 

- Ҳамма сиз ва Самвел Бабаян ўртасидаги баҳсдан жиддий қарама-қаршилик кутади. Унинг жамоасига қарши ўйинга алоҳида тайёргарлик кўрасизми?

- Рақиб мураббийи ким бўлишининг фарқи йўқ. Биз режа бўйича тайёргарлик кўрамиз. Вазифамиз кейинги босқичга чиқиш эди, афсуски, буни уддалай олмадик. Энди бор эътиборимиз чемпионатга қаратилади. Алоҳида ёндашув бўлмайди, майдонда мураббийлар эмас, футболчилар ҳаракат қилишади.

- Журани Франсиско Феррейранинг жароҳати жиддий эмасми? У бугун яхши ҳаракат қилди...

- Афсуски, у жароҳат олди. Ҳозир аниқ айтиш қийин. 2-3 кундан кейин жароҳат даражаси аниқ бўлади.


Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика