Келиши мумкин бўлганлар:
Луис Суарес
Нархи: 52 миллион евро (transfermarkt.de)
“Мен “Ливерпуль”дан кетмайман” дейдиган футболчи олтин медаллардан қуруқ қолгани сабабли ўз жамоасини ўзгартириши мумкин.
Филиппе Коутиньо
Нархи: 20 миллион евро
Коутиньо ҳам айнан чемпионликдан маҳрум бўлганлиги сабабли клубдан кетиши мумкин.
Артуро Видаль
Нархи: 44 миллион евро
Жамоадан кетиши мумкин бўлган Хаби Алонсонинг ўрнига клуб бош мураббийи чилилик Артуро Видальни мўлжалламоқда.
Поль Погба
Нархи: 45 миллион евро
Матбуотда вақти-вақти билан Погбанинг трансфери борасида хабарлар тарқалиб турди.
Альберто Морено
Нархи: 15 миллион евро
Айни пайтда ишончларни оқлай олмаётган Коэнтраунинг ўрнига Моренонинг келиш эҳтимоли мавжуд.
Кетиши мумкин бўлганлар:
Карим Бензема
Нархи: 15 миллион евро
Ора-сирада уч метрдан бўш дарвозани ишғол қилиб турадиган Бенземага «Арсенал», «Ювентус» ва «Ливерпуль» жамоалари томонидан қизиқиш бор.
Рафаэль Варан
Нархи: 24 миллион евро
Моуриньо даврида футболчини клубнинг келажаги сифатида кўришаётган эди. Лекин Анчелотти уни заҳирага михлаб қўйди.
Иско
Нархи: 35 миллион евро
Мануэль Пеллегрини “Манчестер Сити” таркибига “испан колония”сини йиғмоқда. У “шахарликлар” таркибига ўзининг “Малага”даги собиқ футболчисини қўшиб олмоқчи.
Сами Хедира
Нархи: 22 миллион евро
Шериги Месут Озилнинг жамоадан кетганидан сўнг футболчи аввалига зерикиб қолди. Сўнгра жароҳати сабабли 7 ойни майдондан ташқарида ўтказиб юборди. Унга “Зенит” ва “Манчестер Сити” жамоаларидан қизиқиш билдирилмоқда.
Альваро Мората
Нархи: 12 миллион евро
Айни пайтда Мората олдида 3 та йўл турибди. “Арсенал” таркибида тўп суриш, “Интер”га бориб миланликлар сафида ҳаракат қилиш ёки “Реал” заҳира ўриндиғини “гуллатиш”да давом этиш.
Азиз Тўхтамуродов тайёрлади