UZ

Сўнгги янгиликлар

20:07Суперлига. ОКМК - «Бунёдкор» 0:0 (Матнли трансляция)  1 20:00Суперлига. "Қизилқум" – "Локомотив" 0:0 (матнли трансляция)  4 19:45"Ливерпуль" "Ювентус" ҳимоячисини сотиб олмоқчи  0 19:19"Челси" ва "Атлетико" "Атланта Юнайтед" ўйинчисига даъвогар  1 18:43"Манчестер Юнайтед" ва "Атлетико" "Болонья" ҳимоячисига қизиқмоқда  0 18:00Максим Шацких: "Украина терма жамоаси ҳозирги таркиб билан Еврода узоққа бориши мумкин"  13 17:26Про лига. "Машъал" сафарда "Олимпик-MobiUz" билан дуранг ўйнади  4 17:11АПЛ болбойларнинг ўйинга таъсирини чеклайди  1 16:45МЮ "Ювентус" футболчиси учун ўз вингерини беришга ва қўшимча тўлов қилишга тайёр  1 16:11"Барселона" тарбияланувчисини қайтармоқчи  2 15:41"Ницца" АПЛ клублари қизиқаётган ҳимоячиси учун нарх белгилади  0 15:10ПСЖнинг 2 нафар футболчиси сафга қайтди  0 14:08Шенсни "Юве"да қолиши учун маоши камайишига рози бўлиши керак  1 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  9

Унаи Эмери "Арсенал"да ёхуд ўртамиёна клуб учун ўртамиёна мураббий Янгиликлар

Унаи Эмери "Арсенал"да ёхуд ўртамиёна клуб учун ўртамиёна мураббий

Теглар :  АрсеналОмонжон
"Арсенал" шунча ишдан кейин ҳам таваккал қилишга куч топа олмади.

Бутун бир даврдан сўнг, Арсен Венгер клубни тарк этиши аниқ бўлгач, "Арсенал" олдинда нималар кутаётганини айтиб бўлмас, катта эшиклар очилганди.
Сўнгги йилларда айниқса клуб мураббийлари олдида вазиятни ўнглаш учун жиддий қарор қабул қилиш ва жамоада кўп нарсани ўзгартириш вақти келганини тан олишдан бошқа йўл қолмаётгандек эди. Вазият "Иморатнинг каттагина қисмини бузиб, бошидан қуришни" талаб қиларди. Венгер жаноблари кетар чоғи, бош мағрур тутганча, сал кам чемпионликка номзод жамоа қолдираётганларини айтдилар, аммо қолаётган меросга жиддий шубҳа бор. "Арсенал"да асосий таркиб борасида, жамоа тузилиши, танлаган ривожланиш йўли борасида муаммолар мавжуд.

Бутун дунёда бўлгани каби, юртимизда ҳам "Арсенал"нинг содиқ мухлислари етарлича топилади. Аммо уларнинг ҳам сабр косалари тўлиб-тошгани бор гап. Ҳар мавсум аввалида улар умид билан келажакка боқадилар ва шу мавсум севимлилари совринга эга чиқишлари, яна чемпион бўла олишларига ишонгилари келади. Микель Артетанинг жамоа бош мураббийи лавозимини эгаллаши ҳақидаги гаплар эса, уларга хуш ёққанди. Сабаби "Барселона" мактаби битирувчиси, ақлли футболчи мураббийлик фаолиятининг бошида турган бўлсада, "Арсенал" фалсафаси билан яхши таниш, ҳамда Венгер ва Гвардиола штабида иш ўргангани ҳам унга катта фойда келтириш аниқ. Артета лондонликлар учун ё қўрқинчли туш, ё омадли чипта бўлиши мумкин эди – бу "ва-банк" варианти бўларди. Шунча йилдан кейин "Арсенал" ниҳоят таваккал қилишга яқин келганди.


Аммо, лекин, бироқ... Яна йўқ. Артета трансферлар учун 50 миллиондан кўпроқ маблағ ва керак бўлиб қолса, раҳбарият қўллаб-қувватлаши ҳақида шарт қўйди. Микель раҳбарият унга чиндан ишонишини билмоқчи эди. "Арсенал"дагилар эса унга бундай ваъдалар беришмади ва осонроқ, аммо салоҳият бўйича ютқизишга тайёр вариантга мурожаат қилишни яхшироқ деб билди. Унаи Эмери – ҳозирги "Арсенал"га жуда мос мураббий, сабаби клуб муаммоларини худди ойна каби акс этиб турибди.

Испаниялик Францияда анча-мунча соврин ютган бўлса ҳам, мақтанишга арзийдиган бирор нарсасиз кетмоқда. Шайхлар унга чегараланмаган бюджет қилиб беришди, бир нечта юлдузлар харид қилинди – барчаси парижликларнинг янги брендини дунёга танитиш ва Европа футболида ҳукмронлик ўрнатиш учун эди. Аммо ПСЖ ҳамон фақатгина ички чемпионат гегемони бўлиб қолмоқда, қизиғи унинг Франция чемпионатидаги ўйинларини томоша қилиш Бундеслигада "Бавария" ҳар сафар чемпионликни қай тарзда қўлга киритишидан ҳам зерикарлироқ бўлиб қолди.

Эмери таркибдаги юлдузлар "фонида" йўқолиб қолди. Икки йиллик фаолияти давомида у на бир тактик ҳаракати билан ва на бир топ-менежмент сифатида ёдда қололмади. ПСЖ бу сафар чемпион бўлишида асосий ишни Неймар бажарган бўлса, иккинчи ўринни Мбаппе ва Кавани ўзаро бўлишиб олишди. Эмери учун ўтган мавсумдан ёдда қолган нарса бу фақатгина "Барселона" ижросидаги тарихий камбэкда иштирок этгани бўлди. Яна ёз келди, Эмери яна анчагина пулни ишлатиб қўйди, аммо бу сафар ҳам араб шайхлари кутган воқеа юз бермади. Йўлдан Мадриднинг "Реал" клуби чиқиб қолди ва совуққон мураббий ва чин маънода топ футболчилар рақибни уйига кузатиб қўйишди.

Ҳа, мураббий "Севилья" билан уч бор Европа Лигасида зафар қучди, аммо  Европа футболининг клублар ўртасидаги айнан иккинчи даражали мусобақаси Унаи учун "потолок" экан. Ҳа, Эмери Лига 1 да натижа кўрсатди, аммо "Монако" ўйинчиларини улгуржи нархларда сотиб юборгандан сўнг, у ерда парижликларга ким қарши чиқа оларди? Шундай жамоа қолдими?

Эмери – "Арсенал"га стабиллик бера олади, аммо янги даражага олиб чиқмайди. Кутманг ундан бунақасини "Арсенал"нинг ҳурматли мухлислари. Раҳбарият таваккал қилиб, тажрибасиз бўлсада, "канонирлар"ни янги босқичга олиб чиқиши мумкин бўлган Артетага ишонч билдиришга ботинолмади. Асосис муаммо ҳам асли шунда, клубда оғирроқ курсиларни эгаллаб ўтирганлар Артетага бошқарувни беришсаю, унинг ишлари умуман юришмаса ҳам, ҳолат ҳозиргидан унчалик катта фарқ қилмасди.

Эмери ҳар ҳолда ҳозирча Европа Лигаси, ёки Франция Кубогини юта оладиган, аммо чинакамига кучлилар даврасида ўзини йўқотиб қўядиган мураббий. У буни бир неча бор исботлаб бўлган. У бор нарсага бироз безак бериши мумкин, аммо йўқдан бор қила олмайди, жамоани бошидан қуришга қодир эмас.  

Хоакин, Эмери қўл остида "Валенсия"да тўп тепган футболчи шундай хазил қилганди: "Эмерида шунчалик кўп ўйинларнинг видеолари борки, мен қанча ҳаракат қилмай попкорним тугаб қолаверарди". Унинг жамоалари тактикага катта эътибор беради ва доимо бир хил, бироз зерикарли ўйин намойиш этади. Ўйин картинасини фақатгина кимнингдир индивидуал ҳаракатлари ўзгартириши мумкин. Агар воқеалар ривожи режадагидек кетмаса, ҳаммаси тамом деяверинг – буни яқинда ПСЖнинг "Реал"га қарши ўйинларида ҳам кўрдик, гувоҳи бўлдик.

Бундан ташқари Эмери футболчилар орасида "авторитет"га эга эмас. Балки айнан шунинг учун унинг жамоалари ҳам психологик томондан кучсиздирлар. ПСЖ бу таркиби билан мураббийсиз ҳам Франция чемпионатини ютиб қўяверарди. Узунқулоқ гапларга кўра, футболчилар очиқчасига Эмерини менсимай қўйишган, мураббий эса барчаси яхшидек юраверарди.

Умуман олганда, Эмерининг келишидан ижобий жиҳатларни ҳам излаб топиш мумкин. У "Арсенал"нинг даражасини ушлаб тура олади ва еврокубоклардаги натижаларни яхшилайди. Аниқроғи, Европа Лигасидаги натижаларни. Бошқа тарафдан "Арсенал" ҳозир ўзининг олтин давридаги дарасидан бироз пастлагани ҳам турган гап.

Бу вазиятда "Арсенал" мухлислари Озил франциялик ҳамкасби Верраттига нисбатан гапга қулоқ соладиган, Обамеянг ва Ляказетт эса Эмерини бир четга суриб, майдонга ким тушишини ўзаро ҳал қилмасликларига умид қилиб қолишади.

Лондонликлар ўзларини Гвардиола ва Клопп ҳам сўнгги йилларда Чемпионлар Лигасида ғалаба қозона олмагани билан овутишлари мумкин, аммо бу мураббийларнинг ўз ўйин услуби, фалсафаси бор. Клопп ҳам, Пеп ҳам жамоаси қандай ўйнаши кераклиги, бунинг учун футболчилар қандай ҳаракат қилишлари зарурлиги борасида тасаввурга эгалар. Иқтидорли ёшлар уларнинг жамоасида тўп суришни орзу қилишади. Унаи Эмери шу каби жиҳатлар билан мақтана оладими?

"Арсенал" маълум вақт Эмери билан ўртамиёна клублар даражасида "ўралашиб" қолиб, кейин барибир таваккал қилиб, ҳақиқий эркак мураббий топиши лозим. Айнан ўша мураббий "уйқудаги" "тўпотарларни" уйғотади. Ҳозирча эса барчаси "идеал": ўртамиёна клуб учун ўртамиёна мураббий

Рейтинг: -48   

Фикрлар

championat.asia
< сўнгги янгиликларни кўриш
Яндекс.Метрика