Уммон U20 устози: "Бизнинг футболчиларга тажриба етишмаяпти"

- Ўйин ҳақида фикрларингиз? 

- Биз курашларга бой ўйин ўтказдик, лекин ўзимиз истаган натижага эриша олмадик ва мағлуб бўлдик. Кўпгина вазиятлар яратдик, лекин уларни голга айлантиришда анча қийналдик ва шу сабаб мағлуб бўлдик. 

- Бугунги учрашувда футболчилар жисмоний томонлама оғир ўйин ўтказишди ва иккала жамоа ҳам етарлича голли вазиятлар яратди, лекин вазиятлардан унумли фойдалана олмадингизлар. Бу ҳақида нима дея оласиз?

- Ҳа, ўйин кўп кучимизни олди ва бизга ҳалал берган яна бир жиҳат бу эътиборни жамлай олмаганимиз бўлди. Бизнинг футболчиларга тажриба етишмаяпти деб ўйлайман, сабаби ушбу турнир йигитлар учун биринчи йирик ҳалқаро мусобақа ва шу сабаб футболчилар бор салоҳиятини намойиш эта олишмаяпти. 

- U20 ёшлар терма жамоасидаги ўйинчилар яқин орада U23 терма жамоасига ўтишади ва ушбу таркибни келажаги нима бўлади? Сиз Уммон терма жамоасига янги услуб олиб қирдингиз ва футболчилар ушбу услубга кўникиб қолгандек. Сиз Уммонда ишлашда давом этасизми?  

- Ўйинчилар шу йўлда давом этиши керак, уларга тажриба етишмаяпти ҳолос, менинг келажагим ҳақида ҳали аниқ бир қарор йўқ, турнир ўтиб олсин кейин ўзгаришлар бўлиши мумкин, ушбу масалани Уммон футбол ассоциацияси ҳал қилади.