UZ

Сўнгги янгиликлар

16:35"Барселона" 126 йиллигини нишонламоқда: “Бир хил ранг, бир хил рамз, бир хил тарих"  1 16:35Суперлига. "Қизилқум" — "Шўртан" 1:1 (матнли трансляция)  2 16:18Ўртоқлик ўйини. Ўзбекистон аёллар терма жамоаси Эронни ишончли ҳисобда мағлуб этди  1 16:00Суперлига. "Навбаҳор" – "Пахтакор" (матнли трансляция)  21 15:39ЖЧ-2026 гуруҳ босқичига қачон қуръа ташланади?  4 15:35"Ризеспор" — "Кайсериспор". Таркиблар маълум  2 14:28"Бунёдкор" билан ўйинда "Андижон"ни ким мураббий сифатида бошлаб тушиши маълум  3 14:20Суперлига. "Насаф" — "Динамо" (матнли трансляция)  13 14:17"Андижон" ярим ҳимоячиси кейинги мавсумни "Бунёдкор"да ўтказади   3 13:56Одил Абдумажидовга Кувайт ва Сербия клублари қизиқиб қолишди  0 13:16Суперлига. 30-турни қайси футболчилар ўтказиб юборади?  0 13:01Жамшид Искандеров: "Водийда чемпион бўлиш қийин"  3 12:43Гвардиола Силванинг "Манчестер Сити" билан янги шартномаси борасида фикр билдирди  1 12:15"Реал" янги ҳужумчи топди  3 11:47Рамос ЖЧ-2026да ўйнашни истамоқда. 39 ёшли ҳимоячи "Монтеррей"ни тарк этиб, қишда Европага қайтмоқчи  0

Улуғбек Ҳошимов: "Мақсадимиз – чемпионлик. Насиб қилса, бунга эришамиз" Янгиликлар

Улуғбек Ҳошимов: "Мақсадимиз – чемпионлик. Насиб қилса, бунга эришамиз"

Ўзбекистон ОТЖ ҳужумчиси Улуғбек Ҳошимов эртанги ўйин олдидан журналистларнинг саволларига жавоб қайтарди.

U-23 Осиё Кубоги ярим финалидан ўрин олган Ўзбекистон – Япония учрашувидан аввал футболчимиз Улуғбек Ҳошимов "Championat.asia"га фикрларини билдириб ўтди.

- Улуғбек, аввало, Ироқ билан ўйиндаги ғалаба билан табриклаймиз. Японияга қарши тайёргарлик қандай бўлди?

- Тайёргарлик зўр бўлди, деб бемалол айтишим мумкин. Шунча йўл босиб ўтиб, ярим финалга ҳам етиб келдик. Мақсадимиз – чемпионлик. Насиб қилса, бунга эришамиз.

Ироққа қарши ўйин қийин ўтди. Биз ниятимизга етишдик, деб ўйлайман. Йигитларнинг ҳам, ота-оналаримизнинг ҳам ўзига яраша орзу-ниятлари бор. Ярмини босиб ўтдик, деб ўйлайман. 

- Ўша ўйиннинг биринчи бўлимидан кейин Тимур Кападзе футболчиларга нима дедики, иккинчи таймда ўйин Ўзбекистон томонига ўзгарди? 

- 12-дақиқада дарвозабонимизга қизил карточка берилган эди. Бу бизга руҳий жиҳатдан таъсир қилди. Лекин ўйин тизгинини ўз қўлимизга ола билдик. Шу орқали ғалабага эришдик. Бундан буёғига ҳам бир жамоа бўлиб чемпионлик кубогини кўтарамиз. 

- Япония мусобақада энг кам гол ўтказаётган жамоалардан бири. Бу борада сизларда қийинчилик бўладими?

- Барча биладики, Япония Осиёда ўз ўрнига эга ва анчагина кучли. Уларда ҳар тарафлама яхши жамоа шаклланган. Биз ҳам ўзимизга яраша обрў-эътиборга эгамиз. Ярим финалда кучимизни кўрсатамиз. Кучли жамоага қарши ярим финалга етиб келдик, буёғига ҳам таслим бўлиш ниятимиз йўқ. 

- Стадионга мухлислар киритилиши ёки киритилмаслиги ҳақида фикрингиз…

- Бу нарсани эшитиб ўйланиб қолдик. Мухлисларнинг ташрифи бизга руҳий томонлама ёрдам бераётганди. Қанча ғалаба қозонган бўлсак, буларда мухлислар қўллаб-қувватлашлари орқали ҳисса қўшишган. Қандай ҳолат бўлмасин, унга эътибор бермасдан, олдимиздаги мақсад томон ҳаракат қиламиз.

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика