Улуғбек Бақоев: "Учрашувга нега 3 дақиқагина қўшиб берилганини тушунмадим"
12 май 2017 21:13
Янгиликлар

Улуғбек Бақоев: "Учрашувга нега 3 дақиқагина қўшиб берилганини тушунмадим"

"Пахтакор" - "Бухоро" (2:1) учрашувидан кейин ташкил этилган матбуот анжуманида меҳмонлар бош мураббийи Улуғбек Бақоев иштирок этди.

- Аввало "Пахтакор"ни ғалаба билан табриклайман. Бугун қизиқарли ўйин гувоҳига айландик. Бу баҳсга жиддий тайёргарлик кўргандик. Яхши ниятида Тошкентга келгандик, аммо кутганимиз бўлмади. Ютқазаётган паллада "вабанк"ка боришга мажбур бўлдик. Гол уришга ҳам эришдик. Лекин вазиятни тўлиқ ўнглашга улгурмадик.

- Ўйин тугаганидан кейин ҳакамлар хонасига кирганингизни кўрдик...
- Менга бош ҳакамнинг учрашувга 3 дақиқагина қўшиб бергани ёқмади. Чунки ўйинда тўхталишлар 6-7 дақиқани ташкил қилганди. Биз буни ҳисоблаб тургандик. Лекин ўз саволимга жавоб ололмадим. Шунингдек, дарвозамиз ортида тўп йўқ эди. Футбол қоидалари бўйича дарвоза ортида тўп туриши керак. Аммо бизнинг дарвозабон тўпни орқасидан югуриб юришга мажбур бўлди. Шунга тушунмадим.