Улуғбек Бақоев: "Милан Митрович жамоамизни қутқарди"
19 окт 20:16
Янгиликлар

Улуғбек Бақоев: "Милан Митрович жамоамизни қутқарди"

"Металлург" - "Сўғдиёна" учрашувидан сўнг меҳмонлар устози Улуғбек Бақоев ўйин ҳақидаги ўз фикрини билдириб ўтди.

- Қийин ўйин бўлишини билгандик. "Металлург" кучли таркибга эга, тажрибали футболчилардан иборат. Бу рақибга қарши биринчи навбатда футболчиларни руҳан тайёрлашимиз керак эди. Буни уддаладик. Иккинчидан, охирги ўйинларда гол киритолмаётгандик. Зарбасиз, голсиз натижага эришиб бўлмаслигини шогирдларга тушунтирдик. Қолаверса, дарвозабонимиз зўр ўйнади. Ундаги ишонч бошқа йигитларга ҳам кўчди. Милан Митрович "Пахтакор"га қарши ўйинда бир қатор хатоларга йўл қўйганди. Бекободликларга қарши баҳсда жамоамизни қутқарди. "Металлург" жамоасига кейинги учрашувларда омад тилайман, - дейди жиззахликлар устози.

Ҳавола :

Манба : championat.asia

Янгиликларни Телеграмда ўқинг!

Рейтинг: +6