UZ

Сўнгги янгиликлар

01:11Расман: Роберто Фирмино - "Ал Садд" футболчиси!  3 00:51"Милан" футболчиси "Бешиктош"га ўтиши мумкин  0 00:35"Ювентус" футболчисини "Вердер"га сотди  0 00:20Отабек Шукуров Ўзбекистон U-17 терма жамоаси ўйинига ташриф буюрди  0 23:5617 йиллик фаолиятдан кейин Сауль "Атлетико"дан кетди  1 23:39Расман: Уго Экитике "Ливерпуль"га ўтди  2 23:14Рэшфорд: "Барселона"ни уйимдек, бу ердагиларни оиламдагидек кўряпман"  2 22:59"Атлетико" "Ал Насср"га ўтиши керак бўлган футболчини 34 миллионга сотиб олади  0 22:34Месси ва Альба бир ўйинга четлатилиши мумкин  0 22:17Ўзбекистон U-17 терма жамоаси ЦСКАни кичик ҳисобда мағлуб қилди  6 21:58Ниҳоят, расман: Рэшфорд - "Барселона" футболчиси!  10 21:47Массимилиано Аллегри: "Милан" Европанинг энг яхши жамоасига қарши тенгма-тенг ўйнади"  2 21:11Аббосбек Файзуллаев тиббий кўрикдан муваффақиятли ўтди  14 20:52Рэшфорд "Барселона"да қайси рақамда ўйнаши аниқ  1 20:29"Насаф" назорат ўйинида "Қўқон-1912"дан устун келди  0

Улуғбек Бақоев: "Ҳар бир футболчи олдидаги тўсиқларни енгиб ўтса, топ-даражага чиқади" Янгиликлар

Улуғбек Бақоев: "Ҳар бир футболчи олдидаги тўсиқларни енгиб ўтса, топ-даражага чиқади"

Суперлиганинг 23-туридан ўрин олган "Сўғдиёна" - "Пахтакор" (1:0) учрашувидан сўнг мезбонлар бош мураббийи Улуғбек Бақоев фикрларини билдириб ўтди.





"Биринчи галда "Пахтакор"ни чемпионлик билан табриклайман. Ўйиндан олдин футболда бўлгани каби чемпионлик йўлакчаси орқали табрикладик. Чемпион билан оддий ўйин бўлгани йўқ. Ўйин руҳий томондан жуда асабий ўтди, десам муболаға бўлмайди. Нимадир ўхшади ёки ўхшамади. Йигитлар ҳам асабийлашишди, ҳам ҳаяжонланишди. Стандарт вазиятдан тўп киритдик. Тўп ўтказиб юборишимиз ҳам мумкин эди. Футболчиларга иштиёқ ва хоҳиш учун раҳмат айтаман. Мухлисларни ҳам ғалаба билан табриклайман. Чемпионат давом этади. Олдинда 3 та учрашув қолган. Тақвим эса оғир", – дейди Улуғбек Бақоев. 

- Оҳирги икки йилда Шаҳбоз Жўрабековнинг ўйини анча ўсди. Уни кўпроқ олдинги чизиқда ўйнатяпсиз. Аслида вазифаси қандай?

- У жуда тарбияли футболчи ва яхши инсон. Майдонда ва унинг ташқарисида интизомга риоя қилади. Ҳар бир футболчининг олдидан маълум бир тўсиқлар бўлади. Мана шу тўсиқдан ўтиб олса, топ-футболчига айланади. Агар енгиб ўтолмаса, ўртамиёна бўлиб қолаверади. У иложи борича болалар футболидан воз кечиб, барқарор ўйнаши керак. Ўйинини таҳлил қилар эканмиз, бир таймда жуда яхши ўйнаши мумкин. Нима қилиш керак бўлса, аъло даражада қилади. Танаффусда қўлидан нима келса, шуни эмас, янада яхшироқ ўйнаши кераклигини айтдим. Шаҳбозни гол ургани билан табриклаб қоламан. Уни порлоқ келажак кутмоқда. Айтганимдек, бунинг учун тўсиқларни бартараф этмоғи даркор. Эрон ёки Жанубий Корея чемпионати даражасидаги футболчи, деб ўйлайман. 

- "Сўғдиёна" бу йил "Пахтакор"га мағлуб бўлмаган ва икки учрашувда 4 очко олган ягона жамоа бўлиб турибди. Шахсан ўзингиз "Сўғдиёна"ни Суперлигадаги энг кучли жамоа, деб ҳисоблайсизми?

- Нечта ўйинда ютганимиз ёки ютқазганимиз муҳим фактор ҳисобланмайди. Медаллар учун курашаётганимизда, барча футболчилар, раҳбарият, ошпаз ва бошқа ходимларнинг хизмати катта бўлмоқда. Биринчи ўринда эса албатта, футболчилар майдонда тер тўкмоқда. Улар ўйнаса, мухлислар стадионга келади, тўп тепишмаса, йўқ.

- Мавсум давомида "Пахтакор" чемпионлик учун курашда қайси жиҳатдан устунлик қилди?

- Уларнинг ҳар бир позициясида топ-футболчилар йиғилган. Сенда чемпионлик вазифаси бўлса, миянгда ҳам шу нарса айланади. Қайсидир маънода майдонга жуда катта ишонч билан чиқишади. Чунки улар чемпион. "Пахтакор"га кейинги мавсум ОЧЛда муваффақиятли иштирок этишини тилаб қоламан. Ўзбекистон номидан иштирок этишади. Албатта, мухлислик қиламиз. Биз ҳар доим рақибдан келиб чиқиб ўйнаймиз. Бугун тартибли ўйнадик.

Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика