UZ

Сўнгги янгиликлар

09:51«Лион»нинг асосий футболчиси Саудиянинг 2-лигасига йўл олди  0 09:22Кевин де Брюйненинг келажаги маълум  1 08:55Шомуродов ҳеч қаерга кетмайди  19 08:29Расман. «Ал Насср»дан сўнг «Ал Аҳли» ҳам йирик трансферни амалга оширди  2 08:06Sofascore. Шукуров шериклари орасида энг катта баҳога лойиқ кўрилди  2 07:39Ўзбекистон кубоги март ойида старт олади  0 01:50"Милан" ва "Фейеноорд" келишувга эришиш арафасида  3 01:15Расман: "Ал Насср" 90 миллионлик трансфер амалга оширди  13 00:50Туркия. Икки футболчиси четлатилган "Сивасспор" мағлуб бўлди, Турғунбоев тўлиқ ўйнади  0 23:51Рэшфорд "Барселона"га ўтиш учун 3 клуб таклифини рад қилди  3 23:21Йўқ! 108 миллионлик трансфер амалга ошмайди  5 22:47Родри ушбу мавсумда ўйнайдими? Гвардиола жавоб берди  3 22:18Слот: "Барчаси Салоҳга боғлиқ"  6 21:52Консейсау истеъфога чиқарилиши мумкин  8 21:38БАА. 3та пенальти тепилган, 7та гол урилган ўйинда "Ал Ваҳда" мағлуб бўлди, Эркинов 63 дақиқа ўйнади  0

Улуғбек Бақоев: "Бугун 2 очко йўқотдик" Янгиликлар

Улуғбек Бақоев: "Бугун 2 очко йўқотдик"

Суперлиганинг 4-туридан ўрин олган "Сўғдиёна" – "Олимпик" (1:1) ўйинидан сўнг мезбонлар бош мураббийи Улуғбек Бақоев матбуот анжуманида иштирок этди.


- Ўйин ҳақида

- Қизиқарли ўйин гувоҳига айландик. Биринчи таймда бир нечта қулай вазиятларга эга бўлдик, бироқ улардан самара чиқмади. Гол урдик, аммо у офсайд туфайли бекор қилинди. Офсайд бормиди ёки йўқ, ҳозирча аниқ айтолмайман, кўриб чиқиш лозим. Бир киши кам бўлиб қолдик ва ундан кейин гол ўтказиб юбордик. Якунда дуранг қайд этдик, ютиб кетишимиз ҳам мумкин эди. Йигитларга фаоллик учун раҳмат айтаман. Кўплаб вазиятлар бўйича ҳакамлар чиқарган қарорлардан норозиман. Балки бу комиссия томонидан кўриб чиқилар. Бугун 2 очко йўқотдик.

- Ҳакамлар ҳақида нима дея оласиз? Уларга бир неча бор эътироз билдирдингиз...

- Бу футболда учрайдиган ҳолат. Биринчи Сардор Қулматов билан рўй берган ҳолат бўйича эътироз билдирдим. Ҳакам унга сариқ карточка кўрсатди. Менимча, бу хато эди. Иккинчи эътирозим пенальти билан боғлиқ эди. Баҳсли ҳолатда нега ВАРъга мурожаат қилинмади, ҳайронман.  

- Жасур Ҳасанов хусусида нима дея оласиз?

- У ҳақиқий профессионал. Ўйлашимча, жамоамиздаги энг яхши жисмоний ҳолатга эга футболчилардан бири. 

- "Сўғдиёна" гол уришда қийинчиликка учрамоқда. 4 турда атиги 4 гол урди. Статистикага мурожаат қиладиган бўлсак, бугунги ўйинда қарийб  80% зарба ноаниқ кўриниш олди. Бунга қандай муносабат билдирасиз?

- Сиз ўйинни томоша қилдингизми? Гол урдик, кўрдингизми? Яна 4-5 та вазиятга эга бўлдик. Бу – футбол.  Нимадир ўхшайди, нимадир ўхшамайди. Биз ҳар доим гол уришни хоҳлаймиз, аммо ҳар доим ҳам ундай бўлавермайди.

- "Сўғдиёна" рақибдан келиб чиқиб тайёргарлик кўрганмиди ёки одатий тарзда машғулот олиб борганмиди?

- "Олимпик" – тартибли жамоа. Ўйини менга ёқади. Улар яхши футболчилар, мураббийларга эга. Ҳаммада ўз услуби бор. Албатта, "Олимпик"нинг кучли ва ожиз тарафларини билардик. Шунга яраша тайёргарлик олиб боргандик.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика