"Ўйлашимча қизиқ ўйин бўлди. Иккала жамоа ҳам кўп ҳужум қилди. Ғалаба қозонишимиз ҳам, ютқазиб қўйишимиз ҳам мумкин эди. Ҳисобда олдинга чиқиб якунда гол ўтказиб юбордик. Биринчи даврадаги ўзаро ўйинни ёдга олсак деярли шундай сценарий бўлганди. Ҳисобда олдинга олиб чиқиб ўйин охирида гол ўтказиб юборгандик. АГМК жамоасига кейинги баҳсларда омад. Йигитларга эса бугунги ўйин учун раҳмат айтаман", - дейди Бақоев.
- Бу йилги чемпионат сизда қандай таассурот қолдирмоқда? "Пахтакор"ни ҳисобга олмасак Суперлигада интрига қандай деб ўйлайсиз?
- Медаллар учун 3-4та клуб кураш олиб бормоқда. Биз мавсум бошида кўплаб очколарни бой берганимиз учун пешқадамларга етиб олишга ҳаракат қиламиз. Кўп танаффус бўлмоқда, футболчилар спорт формадан чиқиб яна ўзларига келишлари қийин кечмоқда. Лекин умуман олганда менимча чемпионат қизиқарли ўтмоқда.
