UZ

Сўнгги янгиликлар

15:45Ўзбекистон Кубоги гуруҳ босқичига қачон қуръа ташланади?  0 15:32УEФА президенти: "Албатта, Родри "Олтин тўп"га лойиқ эди"  11 15:10"Машъал" 2 нафар тажрибали футболчи билан шартнома тузди  0 14:51"Сурхон" "ФарДУ"га имкониятни бой берди  0 14:35"Контега қарши битта ўйин бир йиллик тажрибага тенг"  0 14:08Гвардиола олдида катта танлов: "Сити"да қолиш ёки янги чақирувни қабул қилиш  29 13:39"Челси" "Барселона" аъзоси учун 30 млн евро тўлашга тайёр  2 13:12Ўзбекистон U-20 терма жамоаси устози: "Пенальтилардан фойдаланишни кўп маротаба машқ қилгандик"  24 12:58Ўзбекистон МТЖ собиқ футболчиси "Бунёдкор"да иш бошлади  0 12:30"Манчестер Сити" собиқ футболчиси Ҳусановни мақтади  17 12:03Слот – Гвардиолани АПЛнинг бир мавсумида икки марта мағлуб этган "Ливерпул"нинг биринчи мураббийи!  7 11:37"Барселона" 80 млн еврога баҳоланаётган туркиялик футболчига қизиқмоқда  6 11:09Хаби Алонсо – рекордчи!  1 10:41А Серия тўпурарларидан бирига «Арсенал» ва «Ливерпуль» асосий даъвогар  0 10:07Ўртоқлик учрашуви. «Насаф» «Шахтёр»ни мағлуб этди  4

Улуғбек Бакаев: "Зерикарли учрашув гувоҳи бўлдик" Янгиликлар

Улуғбек Бакаев: "Зерикарли учрашув гувоҳи бўлдик"

Coca Cola Суперлиганинг 18-туридан ўрин олган "Бунёдкор" - "Бухоро" учрашувидан сўнг меҳмонлар бош мураббийи Улуғбек Бакаев матбуот анжуманида қатнашди.

Ўйин ҳақида

- Ўйинни кўрдингиз. Психологик томондан ўйинчиларимизда тушиш бор. Баъзи вазиятларда хато қилиш керак бўлмаган жойда хато қилдик. Биз охирги ўринга тушиб қолганимиз учун шундай бўлмоқда. Йигитларда мағлубиятдан қўрқиш бор. Бугунги ўйиндан сўнг йигитлар ўзларига руҳий куч оладилар, деб ўйлайман. Тартибли ўйин учун йигитларга раҳмат айтаман. 

- Бугунги ўйин сценарийси "Бухоро" тузиб чиққан режа бўйича кетди, десак бўладими?

- Ҳа, аммо ўйинни тўлиқ оладиган бўлсак, жуда зерикарли учрашув гувоҳи бўлдик. Биз томондан тезкор ҳужумлар деярли бўлмади. Бу кўриниб турганди. Бироқ, тартибли ўйин кўрсатганимиздан хурсандман. Бугун биз мағлубиятга лойиқ эмасдик. Норхонов эса ўйин охирида бизга ғалаба тақдим этди. 

- Балки, бунга "Бунёдкор"га нимадир етишмагани сабаб бўлгандир?

- Бўлиши мумкин. Балки, уларда ҳам биз каби психологик тушиш ҳолати кузатилаётгандир. Бошқа жамоани муҳокама қила олмайман, албатта. Бошқа ўйинларга қараганда бугун рақиб ҳам бироз суст ўйнаган бўлиши мумкин. Шуниси аниқки, бугун натижа икки жамоа учун ҳам жуда муҳим эди.

- Норхонов ва Станисавлевич  ўйин тақдирини ҳал қилган голни ташкил қилишди. Нега уларни бошланғич таркибда майдонга туширмадингиз ёки улар "жокер" вафизасини ўташлари керакмиди?

- Бизда ўйинга маълум режа бор эди. Тажрибали футболчиларни ўйинни кучайтириш учун олиб қўйгандик, деса ҳам бўлади. Улар вазифани уддалашди. Ҳа, ҳаммаси ўз-ўзидан юз берди, аммо нима бўлганда ҳам бу режа омадли чиқди. 

- Сиз бошқараётган жамоаларда қанотлардан хавфли узатмалар кўришга ўрганиб қолгандик. "Бухоро"да эса бу нарса кам кузатилмоқда. Бунга сабаб нима?

- "Сўғдиёна"ни эсласак, биз бу жамоа билан тўрт йил бирга ишладик. Ўша пайтда биз йиғган ўйинчилар сиз айтган хафвли узатмаларни кўп амалга оширишарди. Ҳозир эса биз у даражадаги ўйинни кўрсата олмаймиз. Бизда қандай ўйинчилар бўлса, шундан келиб чиқиб ҳаракат қиламиз. Ўйиндан ўйинга қўшишга ва натижага эришишга ҳаракат қиламиз.

- Бугун жуда ҳам хотиржам эдингиз. Одатда, сиз эҳтирос билан ўйинни ўтказардингиз. Бунга сабаб нима? Бугун "Бунёдкор" устидан ғалаба қозонишингизга ишонч бормиди?

- Тўғри сездингиз. Нафақат ўйинчилар, балки мураббий ҳам эҳтиросларга беради. Мен бугун ўзимни бироз бошқача тутишга қарор қилдим. Шундай бўлса ҳам ёрдамчим орқали баъзи вазиятларда йигитларга кўрсатмалар бериб турдик. 

- Жамоанинг таркибидан қанчалик қониқмоқдасиз. Умуман ўн баллик шкалада жамоа ўйинига қандай баҳо қўйган бўлардингиз?

- Бугунги ўйинга келсак, 10 баллдан 5 балл қўйган бўлардим. Бугунгидек натижа ҳар доим ҳам бўлавермади. Машғулотлар жараёнида биз жуда яхши ишлаймиз, ҳаммасини тўғри бажарамиз. Ўйинга келганда эса йигитларимда психологик муаммолар кузатилади. Буларнинг барчаси ўйинчиларнинг даражаси ҳисобланади. Бундан ҳафа бўлиш керакмас, бу уларнинг даражаси. Ўсишга ҳаракат қилиш керак. Ёш футболчилар ўйиндан ўйинга очилиб боришмоқда. Бугун айнан улар жамоани тортишмоқда. Бунинг учун уларга алоҳида раҳмат.

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика