Улуғбек Бакаев: "Кубокда гуруҳдан чиқиб олишимиз керак"

- "Янгиер" яхши футбол ўйнашга ҳаракат қилди. Уларда бунга иштиёқ бор эди. Бизда эса нималардир ўхшади, нималардир эса йўқ. Ўйиндаги баланс ёмон эмас, яхши гол уриб олдик. Айрим режаларимиз бор эди, бир қанча футболчиларни синаб олдик. Жамоани ғалаба билан табриклайман. Йигитлар бугун ўйинга ўзларини баҳш қила олишди ва қаттиқ ҳаракат қилишди.

- "Бухоро"даги навбатдаги ғалабангиз билан табриклайман. Жамоанинг олдига кубок баҳсларида қандай вазифа қўйилган?

- Чемпионат ҳам, кубок ўйинлари ҳам муҳим. Аввало кубокда гуруҳдан чиқиб олишимиз керак. Ундан кейин бизда белгиланган тартибда йиғинлар бўлади. Чемпионатда эса ҳолатимиз унчалик яхши эмас. Эндигина 7 очко жамғардик. Ҳозир барча жамоалар маълум бир вазифаларини бажариш учун тер тўкмоқда. Бизда ҳам шундай мақсадлар бор. Ҳар бир ўйинда бизга ғалаба керак. Учрашувга майдонга тушаётганда рақибни ҳурмат қиляпмиз. Ўз навбатида самарали ўйин кўрсатишни, ғалаба қозонишни истаймиз. Шу сабабли ишлар доим ҳам ўхшамаяпти. Ҳозир эса кубокда гуруҳ босқичидан чиқиб олишимиз керак.