Улуғбек Бакаев: "Клуб билан шартномам йил охиригача амал қилади"

- Биз амалдаги чемпионга қарши ўйнадик. Йигитларга рақиб кичик хатони ҳам кечирмаслигини айтгандик. Биринчи тайм бошида хато қилдик ва Ҳамдамов чиройли гол урди. Кейин курашдик, аммо иккинчи таймда ҳам хато, рекошет ва яна гол ўтказдик. 

"Пахтакор" футболчиларининг маҳорати бугун биздан устун эди. Йигитларга ўйин учун раҳмат айтаман, олдинда икки ўйин қолди ва уларда муносиб иштирок этиш керак. 

- Мавсум охири лекин жамоа етакчилари ҳам ташаббусни ўз қўлига олишни хоҳлашмади... 

- Етакчилар ҳам одам. Балки чарчашгандир, балки яна бошқа нарсадир. Медаллар учун курашдан чиқиб бўлгандик. Бугун ғалаба қозонганимизда тўртликка киришимиз мумкин эди. 

- Кейинги режаларингиз қандай? 

- Клуб билан шартномам йил охиригача амал қилади. Профессионал тарзда ўз ишимни бажараман.

- Клуб учта фронтдан бирини қурбон қилиб қайсидир мусобақада ғолиб чиқса бўлмасмиди?

- Шунчаки хоҳиш билан бу нарса амалга ошмайди. Сабаби раҳбарият ҳар бир ўйин ва ҳар бир мусобақада ғолиб бўлиш вазифасини қўйганди. ОФК кубоги ва мамлакат кубогида муносиб қатнашдик, биронта баҳсда ютқазмадик фақат пенальтилар сериясида имкониятни бой бердик. Хатолар бўлди, яхши томони келажакда бу хатоларни қилмаймиз.