U-23 Осиё кубоги. Ўзбекистонга қарши ўйин олдидан Вьетнам таркибида йўқотишлар мавжуд
21 апр 2024 19:16
Янгиликлар
U-23 Осиё кубоги. Ўзбекистонга қарши ўйин олдидан Вьетнам таркибида йўқотишлар мавжуд
Вьетнам U-23 терма жамоасига "D" гуруҳидан ўрин олган Ўзбекистонга қарши баҳсда Хо Ван Куонг ёрдам бера олмайди.
Жанубий-Шарқий Осиё мамлакати вакили турнирнинг иккинчи тури доирасидаги Малайзияга қарши учрашувнинг 17-дақиқасида ҳакам томонидан огоҳлантирилди.
Ҳимоячи илк турда Кувайтга қарши беллашувнинг 65-дақиқасида ҳам сариқ карточка билан жазоланганди.
Шу боис, Ван Куонг гуруҳ пешқадамини аниқлаб берадиган ўйинда дисквалификация сабаб майдонга туша олмайди.
Шунингдек, Кувайтга қарши 1-тур учрашувининг 12-дақиқасида жароҳат олиб, майдонни тарк этган ҳужумчи Нгуен Динь Бак ҳам жамоасига ёрдам бера олмаслиги мумкин.
Эслатиб ўтамиз, Вьетнам Ўзбекистон билан бир хил — 6 очко жамғарган ҳолда тўплар нисбатига кўра, 2-ўринда бормоқда.
Жамоалар ўртасидаги 3-тур учрашуви 23 апрель куни Тошкент вақти билан соат 20:30 да бошланади.
Ўхшаш янгиликлар
championat.asia
"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
Суперлига. Турнинг сўнгги баҳсида "Сурхон" "Андижон"га ҳеч қандай имконият қолдирмай йирик ҳисобда мағлуб этди
Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
Фикрлар