U-23 Осиё чемпионати. Ўзбекистоннинг кейинги босқичдаги рақиби қайси жамоа бўлади?
15 янв 2020 19:20
Янгиликлар

U-23 Осиё чемпионати. Ўзбекистоннинг кейинги босқичдаги рақиби қайси жамоа бўлади?

Хабарингиз бор, бугун 23 ёшгача футболчилар ўртасидаги қитъа биринчилигининг “C” гуруҳида сўнгги тур баҳслари бўлиб ўтди.

Мазкур квартетдан Ж.Корея пешқадам сифатида, Ўзбекистон олимпиячилари эса тўплар нисбатига кўра иккинчи ўрин билан кейинги бочқичга чиқди.

Уларга плей-оффда “D” гуруҳи вакиллари рақиблик қилади. Охирги гуруҳ ғолиблигини қўлга киритган иштирокчи чорак финалда Ўзбекистонга қарши тўқнаш келади. 2 ўрин соҳиби эса Ж.Корея билан учрашади.

“D” квартетидаги Ш.Корея олимпия термаси муддатидан олдин мусобақа билан хайрлашган бўлса, БАА, Иордания ҳамда Вьетнам футболчилари кейинги босқичга йўлланма берувчи икки ўрин учун кураш олиб боради.

Демак, ушбу гуруҳдаги якуний тур беллашувлари эртага, 16 январь санасида ўтказилади.