U-19 Осиё Чемпионати: Мьянма ва КХДР Жаҳон чемпионатига чиқди

Бироз аввал чорак финалнинг дастлабки икки ўйини якунланди.

Мусобақа мезбонлари БАА билан курашди. Баҳс тақдирини иккинчи бўлим бошида мезбонлар томонидан урилган гол ҳал қилди. Шундай қилиб, гуруҳ босқичида Ўзбекистон билан дуранг ўйнаган БАА чорак финалда ўз юришини тўхтатишга мажбур бўлди. Мьянма эса ёшлар ўртасидаги Жаҳон чемпионатига йўлланма олди.

Япония ва КХДР ўртасидаги баҳсда эса ғолибни аниқлаш қийин бўлди. Асосий вақт ҳам, қўшимча вақт ҳам 1:1 ҳисобида ўз якунига етди. Пенальтилар сериясида эса омад КХДРга кулиб боқди.

Соат 17:30да яна иккита чорак финал ўйини бўлиб ўтади. Ўзбекистон ёшлари Таиланд билан курашади. Яна бир баҳс Қатар ва Хитой ўртасида кечади.

КХДР ярим финалда Ўзбекистон - Таиланд учрашуви ғолибига қарши ўйнайди.

Мьянма - БАА 1:0
Япония - КХДР 1:1 (пенальтилар серияси 4:5)