Тухель: "Реал"га қарши бундай ўйин билан ижобий натижага умид қилиб бўлмайди"
07 апр 2022 08:55
Янгиликлар

Тухель: "Реал"га қарши бундай ўйин билан ижобий натижага умид қилиб бўлмайди"

"Челси" бош мураббийи Томас Тухель "Реал"га қарши мағлубиятдан сўнг ўз фикрларини билдирди.

"Биринчи бўлимда барчаси ёмон бўлди. Ўз вақтидаги тўп оширишлар, аниқлик, яккакурашлардаги самарадорлик етишмади.

Танаффусдан сўнг биз дарвозага зарба бериш бўйича рақибдан яхшироқ ҳаракат қилдик. Ўйинга қайтиш имкони доимо бор. Аммо, биз иккинчи бўлим бошидаёқ гол ўтказиб юборсак, бу ишни уддалаш қийин. Бизда ҳисобни 2:3 қилишга имкониятлар бўлди. Бу қарама-қаршиликда муҳим аҳамиятга эга бўлиши мумкин эди. Аммо, буни уддалай олмадик.

Аввалги даражамизга қайта олмаяпмиз. Терма жамоалар ўйинидан сўнг қандай формада эканлигимизни билмайман, аммо бундай ўйин билан "Реал"га қарши чорак финал баҳсида ижобий натижага умид қилиш нотўғри", - деди Тухель.

Ҳавола :

Манба : UEFA

Янгиликларни Телеграмда ўқинг!

Рейтинг: +8