"AS" нашрига берилган интервьюда мутахассиснинг айтишига кўра, футболчи жамоада ўзини ажойиб ҳис қилмоқда.
"Неймар билан муносабатларимизда ҳеч нима ўзгармаган, ҳар доим ўзаро яхши гаплашганмиз. У клубда бахтли ва биз биргаликда олдинга интиламиз. Кийиниш хонасида ҳам уни яхши кўришади. Шунингдек, Неймарнинг юраги бақувват. Исталган жамоадошига айбини юзига айта олади. Бироқ унга қараб, футболдан роҳатланаётганини кўраман", - деди Тухель.
Ушбу мавсумда Неймар 9 ўйинда қатнашиб, 7 гол урди ва 3 голга ассистентлик қилди.
