Турсунов жамоасида дуранг, Санжар тўлиқ ўйнади

Терма жамоамиз ярим ҳимоячиси Санжар Турсунов тўп тепаётган “Ворскла” клуби ўз майдонида “Ильичевец”ни қабул қилиб, аутсайдер жамоа қаршилигини синдира олмади. Ўйинда ҳисоб очилмади. Ҳамюртимиз доимгидек майдонда тўлиқ ҳаракат қилди.

Ушбу дурангдан сўнг “Ворскла” 14 очко билан 4-ўринни эгаллаб турибди. Лекин таъқибчи жамоалар бугун ғалаба қозонишса, полтаваликлардан ўтиб кетишади. Бир кун аввал ушбу турда амалдаги мамлакат чемпиони “Шахтёр” кутилмаганда Донецк дербисида “Металлург” клубига 1:2 ҳисобида имкониятни бой бериб қўйди.

Бугун турнинг марказий учрашуви “Днепр” ҳамда Киевнинг “Динамо” жамоалари ўртасида бўлиб ўтади. Яна бир ҳамюртимиз Максим Шацкихнинг “Говерла” клуби эртага ўз уйида “Волинь” жамоасини қабул қилади.


Украина чемпионати. 11-тур
“Ворскла” – “Ильичевец”  0:0 (0:0, 0:0)
Ворскла – Богуш, А. Ткачук (Кривошеенко, 84), Даллку, Е. Ткачук, Скляр, Чеснаков (Маркоски, 83), Дедечко, САНЖАР ТУРСУНОВ, Громов, Янузи (Баранник, 46), Ковпак.

“Металлург” З – “Черноморец” Одесса  0:0 (0:0, 0:0)

“Металлург” Д – “Шахтёр”  2:1 (0:0, 2:1)


БУГУНГИ ЎЙИНЛАР
“Карпати” – “Заря”
“Металлист” – “Олимпик”
“Днепр” – “Динамо” Киев

3 НОЯБРЬ
“Говерла” – “Волинь”