"Турон" - "Нефтчи" учрашуви номаълум муддатга қолдирилди
20 сен 2023 13:12
Янгиликлар

"Турон" - "Нефтчи" учрашуви номаълум муддатга қолдирилди

22 сентябрь куни Coca Cola Суперлигада 19-тур ўйинлари старт олади.

Championat.asia сайти маълумотига кўра, 22 сентябрь куни бўлиб ўтиши керак бўлган "Турон" - "Нефтчи" учрашуви номаълум муддатга қолдирилади.

Бунга сабаб сифатида 21-23 сентябрь кунлари Қўқон шаҳрида бўлиб ўтадиган Бутунжаҳон ҳунармандлар фестивали кўрсатилмоқда.

Маълумот учун "Нефтчи" сўнгги расмий ўйинни 31 август, "Турон" эса 25 август куни ўтказганди. Агар "Турон" - "Нефтчи" учрашуви 20-турдан кейинги муддатга қолдирилса, Фарғона клуби 27 сентябрь куни (28 кундан сўнг), "Турон" эса 28 сентябрь (34 кундан сўнг) расмий баҳсда майдонга тушади.