Тур матбуот хизмати - "Пахтакор"

"Пахтакор" матбуот хизмати ҳар турда профессионал, оператив, креатив ҳамда мунтазам ишлаётгани учун тўртинчи маротаба тур лауреатига айланмоқда.

Клуб матбуот хизмати ҳар турдан олдин ўйинолди тадбирлар, машғулотлар, футболчи ва мураббийлардан фикрлар бериб бормоқда. Шунингдек, ўйиндан кейин ҳам барча маълумотлар тезкорлик билан тақдим этилмоқда. Машғулотдан расмлар, ёшлар лигаси ўйинларидан тўлиқ ҳажмдаги қайдномалар ўз вақтида бериб борилмоқда. Умуман ҳар бир турни ўйин атрофи ва учрашувдан кейинги жамоага таалуқли воқеаларни яхши ёритиб бормоқда. Сайт нафақат ўзбек, балки рус ва инглиз тилида ҳам бир маромда ишламоқда. Бу борада "Пахтакор" қолган Суперлига клублари матбуот хизматларидан анча илдамлаб кетганини қайд этиб ўтиш жоиз.

Айниқса ўйин учун чиқариладиган махсус дастур (программка) ва унинг ичидаги маълумотлар, дизайни бўйича Суперлигада ҳозирча тенгсиз бўлиб турибди.

Шу боисдан ҳам "Пахтакор" матбуот хизмати ушбу турда энг яхши деб топилди.