Тунда футбол! "Олимпияштадион"да "немисча кино"
19 янв 2018 17:14
Янгиликлар
![](https://championat.asia/upload/storage/300847_original.jpg)
![](/upload/storage/300847_220.jpg)
Тунда футбол! "Олимпияштадион"да "немисча кино"
Герта Дэви Зельке - 46' |
Бундеслига . 19-тур 19/01/2018, 23:30 1
:
1
Тугади
|
Боруссия Д Синдзи Кагава - 71' |
Стадион: Olympiastadion, 65893 томошабин
Бош ҳакам: Christian Dingert
Берлинда "Герта" жамоаси ўз уйида "Боруссия" Дортмундни меҳмон қилади. Бу иккала жамоа 2018 йилдаги илк учрашувда очко йўқотганди. Шу боисдан ҳам бу галги баҳсда улар фақат 3 очко илинжида майдонга тушишларига шубҳа йўқ. Поль Дардаи шогирдлари турнир жадвалида 24 очко тўплаган ҳолда 11-поғонада кетишмоқда. "Боруссия" Дортмунд ҳисобида эса 29 очко мавжуд ва улар 4-поғонани эгаллаб туришибди. Бундеслига турнир жадвалида 2-ўрин ва 11-поғонадаги жамоалар тўплаган очколар ўртасидаги фарқ атига 7 очкони ташкил қилади. Бу эса еврокубокларга бериладиган йўлланма учун кураш жорий мавсумда ҳар доимгиданда қизғин кечаётганини англатади.
"Герта" одатда ўз уйидаги беллашувларда "Боруссия" Дортмунддан очко олишда ортиқча муаммоларга дуч келмайди. "Боруссия" Дортмунд "Олимпияштадион"даги охирги 3 учрашувдан буён ғалаба нималигини билмаяпти. Агарда бугунги матчда "Боруссия" Дортмунд "Герта" дарвозасини ишғол этишни уддасидан чиқса, унда бу дортмундликларнинг Германия чемпионатидаги юбилей 20000-голи сифатида тарихга киради.
Бу жамоаларнинг биринчи даврадаги ўзаро учрашувида "Боруссия"нинг қўли баланд келганди. "Сигнал Идуна парк"да ўтган ўйинда Пьер-Эмерик Обамеянг ҳамда Нури Шахин томонидан киритилган голлар баҳс тақдирини мезбонлар фойдасига ҳал этганди.
"Герта" - "Боруссия" учрашувини Кристиан Дингерт бошчилигидаги ҳакамлар бригадаси бошқариб боради.
Тахминий таркиблар:
"Герта" - Ярстейн — Платтенхардт, Вайзер, Штарк, Пекарик — Шелбред, Калу, Лазаро, Лустенбергер, Майер, Зельке
"Боруссия" - Бюрки - Сократис, Топрак, Тольян, Пищек - Кагава, Вайгль, Гетце, Санчо — Ярмоленко, Исак
Берлинга "Боруссия" Дортмунд меҳмон сифатида ташриф буюриши доим қизиқарли ва чиройли футболни кафолатлайди. "Олимпияштадион"да бугун тунда ҳақиқий "немисча кино" тақдим этилади. Бу шиддаткор футболни ўтказиб юборманг.
Ўхшаш янгиликлар
![AMP Logo](https://championat.asia/image/logo-amp.png)
Фикрлар