Триппьер МЮга ўтади
06 июн 2021 07:10
Янгиликлар

Триппьер МЮга ўтади

“Атлетико” ярим ҳимоячиси Киран Триппьер фаолиятини “Манчестер Юнайтед”да давом эттириши мумкин, дея хабар бермоқда журналист Лори Уитвелл ўзининг Твиттердаги саҳифасида.

Инглиз клуби ҳимоя чизиғини кучайтиришни мақсад қилган ва тажрибали футболчининг АПЛ клуби сафини тўлдириши бу муаммонинг идеал ечими сифатида кўрилмоқда. Манбанинг хабарига кўра, Триппьер аллақачон Манчестерда яшаш учун ўзига уй қидирмоқда.

“Атлетико” футболчи ўз сафида сақлаб қолиш илинижида, аммо катта эҳтимол билан у клубни тарк этади. Ўтган мавсумда футболчи Ла Лигада 28 учрашувда майдонга тушиб, 6 та голли узатмани амалга оширган. Transfermarket портали футболчининг трансер нархини 20 миллион еврога баҳолаган.

Илгарироқ хабар берилганидек,МЮ раҳбарияти жамоа учун керакли бўлган футболчиларни ёзги трансферлар ойнаси вақтида сотиб олишда бош мураббий Сульшернинг аниқ бир қарорга келишини исташмоқда. Клуб раҳбарияти бу учун 170 миллион евро ажратган. Клуб жорий трансферлар ойнаси вақтида ўз сафига ҳужумчи, қанот ярим ҳимоячиси, таянч ярим ҳимоячи, марказий ва ўнг қанот ҳимоячисини сотиб олиш ниятида.

Ҳавола :

Манба : championat.com

Янгиликларни Телеграмда ўқинг!

Рейтинг: +1