“Тракторсози” сафарда “Нафт Масжид Сулаймон”ни мағлуб этди

Жамоага яқинда келган португалиялик мураббий Антонио Оливейра “Тракторсози”нинг сенегаллик доимий дарвозабони Исса Ндойени (бўйи 201см) ўйин қайдномасига ҳам киритмади. Бу сафар жамоа дарвозасини Хамид Лак қўриқлади.

Биринчи бўлиб ўз дарвозасидан тўп олиб чиққан тракторчилар, учрашув 32-дақиқасида орадаги ҳисобни тенглаштиришди – 1:1, бу голни жамоа ярим ҳимоячиси Самон Наримон Жаҳон киритди. Биринчи бўлим ана шу ҳисобда якунига етди.

Иккинчи бўлим тенг курашлар остида кечди, вазиятни ўнглашга кўп ҳаракат қилган мезбонлар, учрашув якунланиб бораётган бир пайтда қарши ҳужумдан гол ўтказиб қўйишди, жамоанинг бразилиялик ҳужумчиси Эдер Лучано 83-дақиқада
учрашувдаги сўнгги голни киритиб, ўз жамоасининг ғалабасига катта ҳиссасини қўшди – 1:2.

Ушбу ғалабадан кейин “Тракторсози” 35 очко билан турнир жадвалининг 5-поғонасида бормоқда. Шундай қилиб, табрезликлар яхши кайфият билан Қаршига ташриф буюрадиган бўлишди.

Эрон чемпионати, 20-тур
“Нафт Масжид Сулаймон” – “Тракторсози” 1:2 (1:1)

Голлар: Хамид Буҳамдон (пен), 11-1:0, – Саман Наримон Жаҳон, 32-1:1, Эдер Лучано, 83-1:2.

“Тракторсози”: 1.Хамид Лак, 88.Фардин Обедини, 23.Мирҳони Ҳошими, 3.Ҳабиб Гордани, Холид Шофий, 18.Аҳмад Амир Камдар, 6.Маҳди Киёни, 14.Андраник Таймурян, 8.Шоҳин Сохиби ( 27.Фаршон Ахмадзода 75), 7.Самон Наримон Жаҳон (9.Фарид Беҳзоди Карими 63), 30.Эдер Лучано.

Огоҳлантириш (Тракторсози): Ҳабиб Гордани, Маҳди Киёни, Фардин Обедини.

Азамат Умаров тайёрлади