"Тоттенхэм" сўнгги ўйинларда жуда ёмон натижа қайд этмоқда

Мазкур натижа «шпорлар»нинг ўтказган 6-ўйинидаги бешинчи муваффақиятсизлигига айланди. Улар аввалига, ЕЧЛнинг чорак финал жавоб (4:3) баҳсида, сўнгра эса АПЛ доирасида (1:0) «Манчестер Сити»га мағлуб бўлди. 33-турнинг қолдирилган учрашувида Маурисио Почеттино шогирдлари «Брайтон» устидан зафар (1:0) қучишади ва бугунги ўйинни ҳам қўшиб ҳисобласак кетма-кет 3та тўқнашувда (чемпионат – «Вест Хем»; ЕЧЛ – «Аякс»; чемпионат – «Борнмут») рақибларига минимал ҳисобларда имкониятни бой беради. 

Европанинг нуфузли мусобақасига йўлланма берувчи ўринлар учун курашаётган лондонликлар ҳозирда Премьер-лига турнир жадвалида 70 очко тўплаган ҳолда 3-поғонада турибди. Бироқ, уларнинг энг яқин таъқибчилари ушбу турни ҳозирча ўтгазгани йўқ.