"Тоттенхэм" "Интер" футболчисини нишонга олди

"Бавария"да ижара асосида ўйнаётган "Интер" ярим ҳимоячиси Иван Перишич "Тоттенхэм" қизиқишлари доирасига тушиб қолди.

31 ёшли хорват Лондон клуби учун коронавирус пандемияси сабабли юзага келган инқироз пайтида ҳужумни кучайтириш учун қимматга тушмаслиги мумкин.

Эслатиб ўтамиз, "Бавария" мавсум якунлангандан сўнг Перишични "Интер"дан 20 миллион евро эвазига харид қилишни хоҳламаган эди.

Футболчи жорий мавсум Бундеслига доирасидаги 22та ўйинда майдонга тушиб, 4та гол ва 4та ассист қайд этди.