Тошкентда "B" сертификати бўйича халқаро мураббийлик курсларининг иккинчи қисми бошланди
06 фев 2019 10:34
Янгиликлар

Тошкентда "B" сертификати бўйича халқаро мураббийлик курсларининг иккинчи қисми бошланди

Ўзбекистон футбол ассоциацияси юртимизда мураббийлик соҳасини ривожлантириш, мураббийлар маҳоратини ошириш бўйича бир қатор чора-тадбирларни амалга оширмоқда.

Жумладан, 5 февраль куни Тошкентдаги "Чиғатой" спорт мажмуасида "B" сертификати учун ОФКнинг халқаро мураббийлик курсларининг иккинчи қисми бошланди. Мазкур курсларда 24 нафар мураббий қатнашмоқда. Улар орасида Ильдар Магдеев, Ҳикмат Ҳошимов, Жаҳонгир Жиямуродов каби ўтмишнинг машҳур футболчилари ҳам бор.

Мураббийлик курсларини ФИФА ва ОФК инструктори Ислом Аҳмедов олиб бормоқда. Унга Ойбек Давлетмуродов ёрдам беряпти. Эслатиб ўтамиз, ушбу ўқув курсларининг биринчи қисми 2018 йилнинг 23-29 декабрь кунлари бўлиб ўтганди.