Тошкент шаҳар очиқ чемпионати: «Eriell», «NTC-Khamkor» ва «DHL» - йўқотишларсиз

Тошкентдаги «Ўзбекистон» спорт мажмуасида ўтказилган тур якунларига кўра, «Eriell», «NTC-Khamkor» ва «DHL» жамоалари йўқотишларсиз, пешқадамлик қилишда давом этмоқда – ҳар учала жамоа ҳисобида 9тадан очко бор.

«ЎзСҚБ» ва «Насаф» жамоалари ҳам мағлубиятга учрагани йўқ – «банкирлар» ўтказилган учта учрашувнинг 2тасида ғалаба қозониб, биттасида дуранг ўйнашган бўлса, қашқадарёликлар битта ўйинда ғалаба қозониб, 2та баҳсда дуранг қайд этишди.

Мусобақа тўпурарлар пойгасида эса «ЎзСҚБ» вакили Шуҳрат Аҳмедов 6та гол билан пешқадамлик қилмоқда. Ундан кейинги ўринларда эса 5та гол билан Шамсиддин Фахриддинов («Ўзтелеком») ва Вилен Ким («Eriell») бормоқда.

Мусобақанинг навбатдаги тур ўйинлари 2014 йилда – 5 январь куни «Ўзбекистон» спорт мажмуасида бўлиб ўтади.

3-тур учрашувлари натижалари қуйида келтирилган:
21 декабрь, шанба
Ўзтелеком – DHL 1:2
Eriell – Чоштепа 6:2
Говоряшчие руками – ТАТУ-Талаба 2:5
ARCHIE-EuroAsia – ЎзДТВ 5:4
ЎзСҚБ – Сергели 17:1
Насаф – Prodigy 2:2
Атлант – Galaxy 3:3
NTC- Khamkor – СҚБ-Юнусобод 6:2
ТАТУ – Восток 5:5


4-тур учрашувлари
5 январь, якшанба
9:00. «DHL» – «Восток»
10:00. «СҚБ-Юнусобод» – ТАТУ
11:00. «Galaxy» – «NTC-Khamkor»
12:00. «ProDIGY» – «Атлант»
13:00. «Сергели» - «Насаф»
14:00. «ЎзДТВ» – «ЎзСҚБ»
15:00. «ТАТУ-Талаба» – «Евро-Азия ARCHI»
16:00. «Чоштепа» - «Говорашчие руками»
17:00. «Ўзтелеком» – «Eriell»