UZ

Сўнгги янгиликлар

19:02Ўзбекистон Кубоги. "Пахтакор" – "Сўғдиёна" 2:3. Highlights  0 19:00U23 Осиё кубоги. Ўзбекистон ярим финал йўлланмаси учун Саудия Арабистони билан курашмоқда (матнли трансляция)  57 18:45Ўзбекистон Кубоги. "Арал" "Цемент"чига "хоҳлаганича" гол урди, "Қўқон-1912" "Жиззах"ни ютолмади ва гуруҳда қолиб кетди  2 18:35Футзал бўйича Осиё Кубоги. Таиланд – илк финалчи, Тожикистон 3-ўрин учун ўйнайди  6 18:30Ўзбекистон кубоги. "Пахтакор" "Сўғдиёна"га мағлуб бўлди, лекин кейинги босқичга йўлланма олди  32 18:26Ўзбекистон кубоги. "Нефтчи" ва "Металлург" муроса кўчасини танлади  9 17:57Ўзбекистон олимпия термаси "Халифа" стадионига етиб келди!  11 17:20Футзал бўйича Осиё Кубоги. Ўзбекистоннинг Эронга қарши таркиби эълон қилинди  2 17:07U-23 Осиё кубоги. Ўзбекистон - Саудия Арабистони учрашувига превью. Саудияни бир маротаба ютганмиз, улар эса бизни уч марта  5 16:58Кварацхелия янги мавсум "Барселона" футболчисига айланиши мумкин  3 16:32"Оч бўрилар" овга чиқмоқда  9 16:15Футзал бўйича Осиё Кубоги. Ўзбекистондан мағлуб бўлган Вьетнам Қирғиз Республикасига ҳам ютқазди  7 15:59U-23 Осиё Кубоги. Индонезия Корея Республикасини мусобақадан чиқариб юборган драматик ўйиндан ГАЛЕРЕЯ  0 15:40Ўзбекистон футзал МТЖ Эронга қарши қандай либосда ҳаракат қилади?  1 15:13ПСЖ Франция чемпионати рекордини ўрнатди  1

Тоғасининг изидан борган Рустам Ашурматов 24 ёшга тўлди Янгиликлар

Тоғасининг изидан борган Рустам Ашурматов 24 ёшга тўлди

Жанубий Кореянинг "Гванжу" клуби ҳамда Ўзбекистон миллий терма жамоаси аъзоси бугун 24 ёшни қарши олди.

Легионер сифатида хорижда юртимиз шарафини муносиб ҳимоя қилаётган, минглаб мухлисларнинг ёқимтойига айланган Рустам Ашурматов миллионлар ўйинига кириб келиши ҳақида шундай ҳикоя қилади.

"Футболга кириб келишимга биринчи ўринда тоғам, Бахтиёр Ашурматов сабаб бўлганлар. Уларнинг ўйинларини томоша қилиб футболга қизиқишим пайдо бўлган. Бобом худди тоғам синагри футболчи бўлишимни истаган ва Қўқондаги "Кимёгар" футбол мактабига олиб борганлар. 6 ёшимдан "миллионлар ўйини" сир асрорларини ўргана бошлаганман.

"Бунёдкор"га қандай келиб қолганман? Ўша пайтда жамоа номи "Қурувчи" эди. Клуб барча вилоятларда ёш футболчилар иштирокида турли мусобақалар ташкил этарди. Қўқондаги мусобақада мураббийлар 20 нафар футболчини танлаб олишган ва Тошкентга келганмиз. Пойтахтда 20 нафар футболчи ўртасида ҳам танлов бўлган ҳамда мураббийлар 3 нафар ўйинчини жамоага қабул қилишни эълон қилишган. Мана шу уч футболчи орасида мен, Акром Комилов ва Иброҳим Ғофуров бор эди. Шу тариқа пойтахт жамоасига келганман".



Унинг иқтидорини пайқаган ва жангчиларга ҳос ҳаракатларини кўра олган ўсмирлар терма жамоаси бош мураббийи Дилшод Нуралиев Рустам Ашурматовни Эрондаги Осиё чемпионати ва БААдаги Жаҳон чемпионатига олиб боради. Қаҳрамонимиз ўзига юклатилган ишончни оқлаётган, терма жамоада Иброҳим Абдуллаев билан ажойиб ҳимоя жуфтлигини ҳосил қилганди. Амирликларда ўтказилган ўсмирлар ўртасидаги мундиалнинг биринчи турида Панама дарвозасини ишғол қилади. Кейинги йилларда ҳам у ёшлар терма жамоамизнинг муҳим фигураларидан бирига айланди. Ёшлар терма жамоамизга устозлик қилаётган Равшан Ҳайдаров Ашурматовга ишонч билдиришда давом этди. 2015 йил Янги Зелландиядаги Осиё чемпионатидан сўнг Ўзбекистон чемпионатининг иккинчи даврасида "Бунёдкор" жамоаси асосий таркибига жалб этилди. Тез орада ёш Ашурматов жамоа мудофаа чизиғининг ишончли вакилига айланди. Бу пайтда у 19 ёшда эди. 2016 йилги мавсумда у "Бунёдкор"нинг алиштириб бўлмас футболчиси сифатида гавдаланди. Ўша мавсумда у хорватиялик Юритса Булят билан метин ҳимоя қўрғонини ҳосил қилди. Натижада "Бунёдкор" ушбу мавсумда ўз дарвозасидан энг кам тўп олиб чиққан жамоа бўлди, 30 та учрашувда 13та гол ўтказиб юбориш юқори кўрсаткич саналарди. Якунда эса жамоа билан бирга кумуш медалларига эга чиқди.



2018 йил Хитойда ўтказилган Осиё чемпионатида олимпия терма жамоаси таркибида олтин медалларга сазовор бўлди. Финалда Вьетнам дарвозасига гол урди. Қайсидир маънода ғалабага катта ҳисса қўшди дея оламиз.

Ўтган мавсум аввалида фаолиятида илк бор легионер мақомини олди ва Жанубий Кореянинг "Гванжу" клубига кўчиб ўтди. Янги жамоасига тезда мослашиб олган Рустам Ашурматов ҳозирга қадар жамоасининг муҳим футболчиси сифатида тўп тепиб келмоқда.

Сайтимиз ижодкорлари номидан Рустам Ашурматовга соғлик ва саломатлик, фаолиятида улкан зафарлар тилаб қоламиз!


Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика