ТЖМ вакиллари “Насаф” мутасаддилари билан учрашишди

Унда ЎФФ терма жамоалар маркази мусобақалар ўткази бўлими бошлиғи Ботир Каримжонов, марказ вакили Вячеслав Солохо “Насаф” футбол клуби бош менежери Шамил Ярулин, спорт директори Виталий Ни ва жамоа бош мураббийи Рўзиқул Бердиевлар иштирок этишди.

Йиғилишда марказ вакиллари сўнгги йилларда “Насаф” таркибидан мамлакатнинг турли ёшдаги терма жамоаларига кўплаб иқтидорли ва умидли футболчилар жалб этилаётганлигини алоҳида таъкидлаб ўтишди.  Шунингдек, терма жамоага номзод футболчиларни жисмоний-функционал ҳолати доимий назоратда бўлиши ва бошқа масалалар ҳақида марказ мутасаддилари керакли тавсияларни беришди.

Йиғилишда ёш чарм тўп усталарининг  ҳар томонлама соғлом бўлиши ҳам муҳим эканлигини айтилиб, шифокорларни бунда ўз вазифаларига масъулият билан ёндошиш лозимлиги, футболчиларни тўғри тарзда даволанишини ҳам назорат остига олиб, футбол мактабларида шуғулланаётган ёш футболчиларни ота-оналарига ҳам тушунтириш кераклиги алоҳида қайд этилди.