Тимур Кападзе: "Италия А серияси юлдузларига қарши охиригача ғалаба учун ўйнаймиз"
18 май 2022 17:47
Янгиликлар

Тимур Кападзе: "Италия А серияси юлдузларига қарши охиригача ғалаба учун ўйнаймиз"

Бугунги баҳсдан олдин Ўзбекистон афсоналар терма жамоаси сафида майдонга тушадиган Тимур Кападзенинг фикрлари билан қизиқдик.

"Биринчи навбатда ташкилотчиларга, раҳбариятга раҳмат айтаман. Биз учун терма жамоа либосини кийиш доим фахрли. Ўзбек футболининг 110 йиллиги муносабати билан ташкил этилаётган ўйин яхши ўтади деб ўйлайман. Учрашувга бўлган қизиқиш ҳам катта.

Бу йигитлар билан тахминан 15 йил давомида бирга тўп тепганмиз. Эски хотираларни эсладик, яхши дамларни ёдга олдик. Тўғри кўпчилик футболчилар шу ерда лекин доим ҳам йиғилишга вақт бўлмайди, мана четдан Саша Гейнрих келди.

Анчадан буён футбол ўйнамаганмиз. Италия томонидан ҳам яхши футболчилар келди, Жаҳон чемпионлари ҳам бор.

Албатта бундай байрамларда катта ҳисобли дуранглар кўп бўлади. Аммо ишонинг биз охиригача курашамиз, терма жамоа либосини кийдикми фақат ғалаба учун майдонга тушамиз", - деди Тимур Кападзе.