Тимур Кападзе: "Эрон билан ўйинларда ҳеч қачон кучсиз кўринмаганмиз. Лекин..."
20 ноя 2023 14:30
Янгиликлар

Тимур Кападзе: "Эрон билан ўйинларда ҳеч қачон кучсиз кўринмаганмиз. Лекин..."

Ўзбекистон терма жамоаси собиқ футболчиси, "Олимпик" бош мураббийи Тимур Кападзе Эрон билан кечадиган учрашув олдидан терма жамоамизнинг имкониятлари, форслар билан кечган ёдда қолган баҳс ҳақида фикрларини билдирди.

Узбекистан

Остон Урунов - 52', Игорь Сергеев - 83'

Чемпионат Мира. Квалификация. Азия. 2-ой раунд. Группа E . 2-тур

21/11/2023, 18:00

Тугади

Иран

Рамин Резаэян - 14', Мехди Тареми - 38'

Стадион: 32551 томошабин

45'

90'

Матч-центрда очиш

"Эрон билан кўп тўқнаш келганмиз. Уларнинг бу таркиби анчадан бери бирга ўйнамоқда. Ўтган Жаҳон чемпионатида ҳам шу футболчилар қатнашганди. Албатта, тажриба ва маҳорат томондан улар кучли. Ўйлайманки, бизнинг кучимиз етади. Яқинда ўртоқлик учрашувида ҳам учрашдик ва ёмон ҳаракат қилмадик. Шомуродовда юз берган вазият, Остонда ҳам имконият бўлди. Боз устига айрим сабабларга кўра мураббий ўшанда йўқ эди. Агар биз биринчи гол уриб олсак ўйин бошқача бўларди.

Туркманистон билан ўйин руҳий томонлама керак эди. Майдон, меҳмон каби факторларга қарамасдан ўз даражаларини кўрсатишди. Яхши кайфиятда тайёргарлик кўришади, деб ўйлайман. Бизнинг футболчилар ҳозир яхши даражада. Легионерлар, маҳаллий футболчилар билан Эронни ютишимизга ишончим комил.

Албатта, футболчилик фаолиятимда Эрон билан кўп ўйнаганман. Энг эсда қоларли баҳс 2012 йил сўнгги дақиқалардаги мағлубият ҳисобланади. Қарши ҳужумда гол ўтказиб юборгандик. Ўша циклда бошқача таркиб ва бошқа мураббий билан реванш олганмиз. Умуман олганда Эрон билан ҳеч бир ўйинда кучсиз кўринмаганмиз. Лекин қандайдир кичик вазиятлар ўйинни ҳал қилиб кетган. Кичик деталлар натижага таъсир қилган. Эрон шундай омиллар билан натижа қилиб кетади. Имкониятларимиздан фойдалансак, керакли натижага эриша оламиз",- дейди Тимур Кападзе.

Ҳавола :

Манба : championat.asia

Янгиликларни Телеграмда ўқинг!

Рейтинг: +16