Тибо Куртуа кетма-кет 2-пенальтини қайтарди
17 янв 2022 10:55
Янгиликлар

Тибо Куртуа кетма-кет 2-пенальтини қайтарди

"Реал" дарвозабони Тибо Куртуа Испания Суперкубоги финалида (2:0) "Атлетик" футболчиси Рауль Гарсия ижросидаги пенальтини қайтаришга муваффақ бўлди.

29 ёшли голкипер қаторасига иккинчи бор дарвозаси томон белгиланган пенальтини қайтарди – 8 январь куни у Ла Лига доирасида "Валенсия"га (4:1) қарши беллашувда Гонсалу Гедешнинг нуқтадан йўллаган зарбасини қайтара олганди.

Таъкидлаш лозим, бельгиялик аввалроқ шундай икки бор пенальтини қайтариши учун 19 та имконият (ўйиндан кейинги пенальтилар сериясини инобатга олмаганда) талаб этилганди.