Тезкор! Варан Франция терма жамоасидаги фаолиятига якун ясади
02 фев 2023 16:36
Янгиликлар

Тезкор! Варан Франция терма жамоасидаги фаолиятига якун ясади

"Манчестер Юнайтед" ва Франция терма жамоаси ҳимоячиси Рафаэль Варан Франция термасидаги фаолиятини тугатмоқда.

"Le Parisien" маълумотларига қараганда, 29 ёшли футболчи узоқ ўйлаб, бунинг ижобий ва салбий томонларини кўриб чиқди ва якунда миллий жамоа учун халқаро ўйинларда қатнашмаслик қарорига келди. Эндиликда футболчи кўпроқ вақтини оиласи билан ўтказмоқчи.

Франция терма жамоаси таркибида Варан 2018 йилда жаҳон чемпионига айланди. 2022 йилги Жаҳон чемпионатида жамоасига кумуш медални қўлга киритишига ёрдам берди.

Ҳимоячи Франция билан 2021 йилги Миллатлар Лигасида ҳам ғолиб чиқди. У асосий терма жамоадаги дебютини 2013 йилнинг март ойида ўтказганди.

Варан жорий мавсум "Манчестер Юнайтед" сафида 18 та ўйинда майдонга тушишга улгурди.

Ҳавола :

Манба : Le Parisien

Янгиликларни Телеграмда ўқинг!

Рейтинг: +11