UZ

"Терма жамоага чақирилганимни рафиқамдан эшитдим!" - Искандар Шойқулов билан интервью Янгиликлар

"Терма жамоага чақирилганимни рафиқамдан эшитдим!" - Искандар Шойқулов билан интервью

Бугун дунёга хавф солаётган коронавирус пандемияси мамлакатимиз футболига ҳам ўзининг таъсирини ўтказмай қўймади.

Айни шу сабаб ички чемпионат ўйинлари мана иккинчи бор тўхтатилиб турибди. Терма жамоаларимизнинг йиғинлари-ю, уларнинг иштиток этиши керак бўлган баҳслари ҳам ўтказилмайдиган бўлди.

Биз бугун "Машъал" ва "Нефтчи"да порлаган, айни вақтда эса "Сўғдиёна" жамоасининг етакчиларидан бири, МТЖнинг йиғинига жалб этилган Искандар Шойқулов билан карантиндан кейинги футбол, айни вақтдаги ҳолат ҳамда Миллий терма жамоага чақирилиши ҳақида суҳбатлашдик.



- Чемпионат ўйинлари узоқ муддатли карантиндан сўнг қайта бошлангач, "Сўғдиёна" жамоаси қаторасига икки ўйинда мамлакатнинг етакчи клубларини мағлуб этди. Карантин жамоага қандай таъсир қилди?

- Карантин бизнинг жамоа учун жуда қўл келди десам ҳам бўлаверади. Ҳаммасини бошидан бошлашимизга туртки бўлди ва биз кутилган натижага эриша олдик дея айта оламан. Бунга албатта ўзингиз ҳам гувоҳи бўлдингиз, айниқса гранд жамоаларга қарши ўйинларимизда.

- Охирги ўйинларда сиз кўпроқ таянч зонасида ҳаракат қиляпсиз. Бу борада Улуғбек Бақоевдан сўраганимда, мураббий сизнинг универсал футболчи эканлигингизни таъкидлади. Ўзингизни майдон марказида қулай ҳис қиляпсизми ҳозир, ёки аввалги қанот ҳимоясидаги ўйинингиз яхшимиди?

- Албатта аввало мураббий ҳал қилади кимни қайси жойда ўйнашини. Менга келсак, шу жойни менга маъқул кўрдими, шу жойда ўйнашим керак, агар «дарвозада турасан» деса, керак бўлса дарвозада ҳам тураман. Майдон марказида ўйнаш менга жуда ёқди, ҳамиша тўп билан ҳаракатда бўлади футболчи. Керак вақти ҳимояга ҳам ёрдам берасан, ҳужумга қўшиласан, ўйинни бошқарасан, хуллас калом майдон марказида ўйнаш жуда ёқимли.

- Бир қатор жамоаларда коронавирусга чалинган футболчилар аниқлангач, ПФЛ Суперлига баҳсларини марказлаштирилган ҳолда ўтказиш таклифини берди ва шундай қилишмоқчи ҳам бўлишди. Бу борада нима дея оласиз, марказлаштирилган баҳслар вилоят жамоалари учун қанчалик таъсир кўрсата оларди?



- Буниси менга номаълум, раҳбарият нима деса шу. Бу борада футболчилар бош қотиришмайди, бунинг учун раҳбариятимиз бор. Бизга қаерда ўйнайсизлар деса ўша ерда ўйнаймиз.

- Биласиз энди чемпионат 15-августдан давом эттирилади. Бу ўртадаги узилиш жисмоний томонлама ҳам, руҳий томонлама ҳам таъсир қилса керак. Яна ўйинларга киришиб кетишда қийинчиликлар бўлади ва бунга сиз ҳамда жамоангиз қанчалик тайёр?

- Буни вақт кўрсатади, бирор нарса дейиш қийин.

- Айнан пандемия сабабли кўпгина муҳлис-у, мутахассислар Ўзбекистон кубоги баҳсларидан воз кечиш ҳақида бонг уришмоқда. Бу борада нима дея оласиз, чиндан ҳам бир мусобақадан кечиш вирус тарқалишининг эҳтимолини оладими?


- Агар кубок ўйинларининг пандемияга таъсири бўлса, воз кечган маъқул деб ўйлайман, чунки ҳамма учун оиласи, ота-онаси ва фарзандларининг соғлиги биринчи ўринда. Бу борада спортни оила тинчлигидан устун қўйиб бўлмайди.



- "Сўғдиёна" жамоасининг 2020-йилги мавсум учун йил аввалдаги режалари қандай эди ва ҳозирги кунга келиб бу режалар қай даражада ўзгарди?


- Йилнинг бошида ҳам, ҳозир ҳам битта режа бу ОЧЛда ўйнаш ва бу учун қўлимиздан келган ҳамма ишни бажаришга тайёрмиз.

- Миллий терма жамоага чақирилдингиз. Тассуротлар қандай? Бу нарсани кутганмидингиз ва буни қай ҳолатда эшитдингиз айнан МТЖга чақирилганингизни?


- Тўғриси бу таклифни эшитиш хамма футболчиларнинг орзуси. Менга буни рафиқам айтиб суйинчи олди, аввало ишонмадим, кириб ўзимнинг фамилиямни ўқиганимдан кейин хурсандчиликдан бутун маҳаллани бошга кўтардим. Шунга ўхшаган таклиф ҳаммага футболчиларга насиб қилсин!



Оғабек Самисов суҳбатлашди

Рейтинг: +22   

Фикрлар

+6   
03 авг 13:12:11
Fan of UNITEDs
Otаbеk фойдаланувчининг фикрига жавоб бериш
Термага тортмайди! Нефтчидаги хар бир уйинини стадиондан курганман. Тупни ердан уза олмасди
Майли омадини берсин. Балки шу хатолари устида ишлаб камчиликларни тўлдирган бўлиши мумкинку.
+3   
03 авг 13:15:06
FC LIDS YUNAYTED
Adminjonlar bu Neftchida emas Mash'alda porlagan Paxtakorga super gol urib
+2   
03 авг 21:13:21
jizzax_so'g'diyona
Yaxshi mehnatjash bola, lekin bizni uzbek futbolida nimagadir futbolchilar intervyu berishayotgan paytda uz fikrlarini ochiq aytisholmedimi tushunmayman. Kup savollarga bu xaqda surama man xam sanga javob bermay qabilida javob qaytarishadi.
+2   
03 авг 13:59:13
Olim
Мана Абрамов имконият берди,балки яхши уйнаб кетар .Согдиана сафида зур уйнади рестардан сунг.
+1   
03 авг 16:07:18
NHabib
"бутун маҳаллани бошга кўтардим" ОМАДИНГНИ БЕРСИН.
+1   
03 авг 16:07:18
NHabib
"бутун маҳаллани бошга кўтардим" ОМАДИНГНИ БЕРСИН.
+1   
03 авг 15:58:32
Fanat_123
Омадини берсин.
+1   
03 авг 14:25:44
Dilmurod Sidiqov
Fan of UNITEDs фойдаланувчининг фикрига жавоб бериш
Майли омадини берсин. Балки шу хатолари устида ишлаб камчиликларни тўлдирган бўлиши мумкинку.
Termaga tortmaydi debsiz kechirasizu bemalol tortadi qachonki oʻzini pazitsiyasida oʻynasa
+1   
03 авг 14:03:58
M 1960
Охирги пайтда ўйини очилди бу боланинг, айниқса пахта ва локо хужумчиларини қийнади, бемалол термада ўйнай олади.
+1   
03 авг 13:31:59
Dimkaaaa
Терма жамоа базасига борасан.....туртта бешта машгулотта катнашасан...ок Кук булиб битта тайм уйнайсан ва......ТАМОМ..
   
05 авг 12:25:56
Nov
omadini bersin
   
05 авг 12:24:45
Nov
yaxshi omadini bersin
   
04 авг 02:05:05
SpAcEl FoRcEs
Хотиндан эшитган янгилими махаладаги хотинлардан сура дахшат хабарларни айтади
   
04 авг 01:51:29
2503
jizzax_so'g'diyona фойдаланувчининг фикрига жавоб бериш
Yaxshi mehnatjash bola, lekin bizni uzbek futbolida nimagadir futbolchilar intervyu berishayotgan paytda uz fikrlarini ochiq aytisholmedimi tushunmayman. Kup savollarga bu xaqda surama man xam sanga javob bermay qabilida javob qaytarishadi.
қушиламан,жуда эҳтиёт булиб чайналиб интервю.беришади,гуёки бир нима деб қуйса уни футболдан ҳайдаб.юборишадигандик қурқибро гапиришади, фикрини очиқ айтишмайди
   
03 авг 23:37:30
Dilmurod Sidiqov
Fan of UNITEDs фойдаланувчининг фикрига жавоб бериш
Хазилда жиддий қабул қилманг оғайни
Tushundim xaziligini shu boʻling
championat.asia
< сўнгги янгиликларни кўриш
Яндекс.Метрика