Тер Штеген Францияда жарроҳлик амалиётини бошдан ўтказди
08 дек 2023 12:44
Янгиликлар

Тер Штеген Францияда жарроҳлик амалиётини бошдан ўтказди

Теглар : Барселона Марк Андре тер-Штеген

Кеча "Барселона" ва Германия термаси кипери Марк-Андре Тер Штеген Франциянинг Страсбур шаҳрида ўз йўналиши бўйича энг кучли мутахассислардан бири бўлган Афшиб Ганги томонидан операция қилинди.

Голкиперга "кўк-анорранглилар" шифокори бу сафар давомида ҳамроҳлик қилган.

Жарроҳлик амалиёти у қадар мураккаб бўлмади. Яқинда Тер Штеген бир неча ой давом этиши кутилаётган тикланиш жараёнини бошлайди. Тахминларга кўра, кипер январь ойи охири ёки февраль бошларида сафга қайтади.

Тер Штеген "Барселона"га "Боруссия Мёнхенгладбах"дан 2014 йил ёзида кўчиб ўтганди. Унинг амалдаги шартномаси 2028 йилнинг ёзигача мўлжалланган. 31 ёшли дарвозабон каталонияликлар сафида 394 ўйинда иштирок этиб, 383 та гол ўтказиб юборди ва 165 баҳсда ўз дарвозаси дахлсизлигини сақлаб қола олган.

Ҳавола :

Манба : sport.es

Янгиликларни Телеграмда ўқинг!

Рейтинг: -1