Темур Олимхўжаев: “Мусобақагача муаммоларни бартараф этамиз”
28 июл 2016 17:00
Янгиликлар

Темур Олимхўжаев: “Мусобақагача муаммоларни бартараф этамиз”

Теглар : Темур Олимхўжаев Ўзбекистон U-16

Ўзбекистон ўсмирлар терма жамоаси билан иккита ўртоқлик ўйини ўтказилганидан сўнг термамиз бош мураббийи Темур Олимхўжаев ушбу ўйин ва тайёргарлик ҳақида фикр билдирди.

- Уммон ўсмирлар терма жамоаси билан иккита назорат учрашувида майдонга тушган бўлсак дастлабкисида йирик ҳисобда ғалаба қозондик. Иккинчисида эса кўриб турганингиздек дуранг натижа қайд этдик. Мана шундай ўртоқлик учрашувлари биз учун машғулот вазифасини ўтаб беради. Бундай назорат ўйинларида ким қандай ҳолатда эканлигини кўриб оламиз.

Ҳозирда ҳимояда ҳам ярим ҳимояда ҳам хаттоки ҳужум чизиғимизда ҳам муаммолар бор. Осиё чемпионатигача оз фурсат қолмоқда. Мусобақагача бундай муаммоларни бартараф этамиз. Машғулотларда кўпроқ жисмоний ҳолатга кўпроқ эътибор қаратяпмиз”, - дейди Ўзбекистон ўсмирлар терма жамоаси бош мураббийи Темур Олимхўжаев.

Жаҳонгир Сотволдиев

Ҳавола :

Манба : championat.asia

Янгиликларни Телеграмда ўқинг!

Рейтинг: