Темур Кападзе: "Ёшларимизни ёрқин келажак кутиб турибди"

- Жанубий Кореяга қарши ўйин ҳақида нима дея оласиз?
- Ўйин жуда муҳим эди, сабаби Жанубий Кореяда аламимиз ҳам бор эди. Битта ўйин барчасини ҳал қиларди, кўрдингиз бир қатор вазиятлар ташкил этилди. Аммо қаердадир омадимиз келмади, қаердадир ҳакамлар хато қилишди.

Афсуски юртимизга ғалаба билан бормоқчи эдик, насиб қилмаган экан. Кўп гапиришнинг фойдаси йўқ. Барча ўйинни кўрди, йигитлар бор кучи билан ўйнади, ёшларимиз ҳали ўзларини кўрсатишади. Уларни ёрқин келажак кутиб турибди. Олдинда Жаҳон чемпионати саралаши кутиб турибди.

- Ўйин вақтида жароҳат олдингиз...
- Футболда ҳеч ким жароҳатдан суғурталанмаган. Қатардаги мусобақада ҳам илк ўйинда бошим шикастланганди. Жароҳатга аҳамият ҳам бермадим, агар қон бўлмаса шундай ўйнашда давом этаверардим. Алам қилгани қўшимча вақтда йўқ жойдан гол қўйиб юбордик...

- Осиё Кубогидаги иштирокдан қанчалик кўнглингиз тўлди?
- Очиғини айтаман кўнглим тўлгани йўқ. Минимум вазифа финалга чиқиш эди. Мақсадимизга ета олмадик, бундан яхшироқ иштирок этишимиз мумкин эди. Йигитларнинг ҳеч бирига эътироз йўқ.