UZ

Сўнгги янгиликлар

09:14Ришарлисон: “Анчелотти футболни тушунади”   2 09:03"Кёльн" — "РБ Лейпциг" баҳси тарихга кирди  0 08:58Кальехон АПЛ клубларига рад жавобини беради   0 08:42“Лацио” футболчиси АПЛга кўчиб ўтиши мумкин   1 08:29ПСЖ, “Барселона” ва “Бавария” Дест учун курашади   1 07:19Бундеслига. "Кельн" - "Лейпциг" 2:4  0 03:00Olamsport: Қозоғистонлик боксчи ўзбек боксчилари ҳақида, Фьюри энг катта шартномага эга бўлмоқчи ва бошқа хабарлар  0 01:24Бундеслига. Голларга бой ўйинда “Лейпциг”нинг қўли баланд келди  0 00:58Интервью. Парк Жи Сунг: "Фаолиятимга икки мураббий жуда катта таъсир ўтказган"  2 00:54“Ювентус” Жоржиньо учун Бернардескини таклиф қилмоқда  2 00:23МЮ Стерлингни сотиб олиши мумкин, аммо...  7 00:10Спортчилар ижтимоий тармоқларда  0 23:41Тер Стеген: “Марио Ла Лигага жуда тез мослашган бўларди”  3 23:33Бундеслига: “Кёльн”- “РБ Лейпциг” LIVE  1 23:19"Бунёдкор" аъзолари санитария меъёрлари ва қоидаларига амал қилган ҳолда машғулотларни бошлади  6

Telegram bot. Ўзбекистон - Яман учрашувини қаерда кўрасиз? Янгиликлар

Telegram bot. Ўзбекистон - Яман учрашувини қаерда кўрасиз?

Кеча сайтимиз Телеграм каналига сўровнома қўйгандик.

Хабарингиз бор, бугун ЖЧ-2022 саралаш босқичидан ўрин олган Ўзбекистон - Яман учрашуви бўлиб ўтади. Бугунги ўйинда жамоамизни янги мураббий бошқаради. Фаластиндан мағлубиятга учралгач, Эктор Купер истеъфога чиқарилди ва унинг ўрнига Вадим Абрамов бош мураббий этиб тайинланди. Шундай экан, бугунги ўйинга қизиқувчилар кўп. 

Кеча Телеграм каналимизга "Ўзбекистон - Яман учрашувини қаерда кўрасиз?" деган сўровнома қўйдик. Ўтган бир кун ичида сўровномада 12 мингга яқин мухлис иштирок этиб ҳамма ўзига маъқул келган вариантни танлаган. 


51% Уйда (6048 овоз) 

16% Ишхонада (1919 овоз) 

14% Кўра олмайман, матнли кузатаман (1646 овоз)

13% Стадионда (1548 овоз)

4% Дўстлар даврасида (485 овоз) 

2% Чойхонада (291 овоз) 


Кўриб турганингиздек, энг кўп овозни "Уйда" вариантини тўплаган. Сўровномада иштирок этган 6048 мухлис (51%) бугунги ўйинни уйда кўришни маъқул биляпти. Энди кўпчилик вилоятликлар пойтахтга келиб кетгандан кўра уйда томоша қилишни афзал билишларини тушунса бўлади. Бир томондан аччиққина кўк чойни дамлаб телевизор қаршисида ёнбошлаб футбол кўрганга нима етсин. 

Ўйин 17:00да бошланади. Бу эса иш вақтига тўғри келади. Шундай экан, ҳар кимда ҳам стадионга келиш ёки уйга вақтли кетиш имкони йўқ. Шу боис "Ишхонада" кўраман варианти 1919 овоз тўплади. Шунингдек, баъзилар бу пайтда сафарда ёки бўлмаса иш билан бошқа жойда бўлишлари мумкин. Улар учун эса энг маъқул йўл сайтимиз орқали учрашувнинг матнли версиясини кузатиш маъқулроқ. "Кўра олмайман, матнли кузатаман" вариантига 1646 овоз келиб тушган. 

1548 мухлис эса "Стадионда" вариантини танлаган. Бугун "Пахтакор" стадиони лиқ тўлмаса ҳам кўплаб мухлислар келишини кутса бўлади. Энди барибир футболни стадионда жонли томоша қилишга ҳеч нима етмайди. Ҳарқалай миллий терма жамоа ўйнаганда муҳит умуман бошқача бўлади. 

485 киши "Дўстлар даврасида" деган вариантни танлаган. Балки кимдир яқин ўртоқлари билан бирон жойда футбол кўришга келишиб олган бўлиши мумкин. Ва ниҳоят "Чойхонада" варианти 291 овоз тўплаган. Аксар ишқибозлар футболни йиғилиб чойхонада кўришни афзал билишади. Чунки чойхонада гурунг қизийди. 

P.S. Ҳамюртларимиз ўйинни қаерда кўрмасин, Ўзбекистон миллий терма жамоасидан биринчи навбатда ғалаба кутиб қоламиз. Бизга бугунги ўйинда ғалаба ниҳоятда зарур. Ўйинни ютайлик ва 4 кундан сўнг Сингапурга хушкайфиятда йўл олиш насиб этсин.

Рейтинг: +19   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг