UZ

Сўнгги янгиликлар

04:25Александр Хомяков: "Аламли мағлубиятни қабул қилиб олдик"  0 04:06Февзи Давлетов: "12 та бурчак зарбаси ижро этди, 20 га яқин зарбалар бердик, аммо вазиятдан фойдаланиш борасида оқсадик"  0 03:45"Барселона" финалдаги супер ўйинда "Реал"ни камбэк эвазига мағлуб қилди!  321 03:22Асрор Алиқулов: "Рақиб ҳимояланишимизга мажбур қилди"  0 03:05Баҳром Ҳайдаров: "Бизга натижа чиройли ўйиндан кўра муҳимроқ эди”  0 02:34Элит ОЧЛ. "Ал Аҳли" ва "Ал Насср" қийинчиликсиз ярим финалга йўл олди  17 00:38"Бавария" футболчисини 40-50 миллионга сотмоқчи  0 00:16Сиссе "Реал" ва ҳакамлар танқиди ҳақида: "Улар "Барса"дан қўрқишади ва ўзларини оқлаш учун баҳона қидиришади. Бу мағлубият учун тактикадир"  10 23:48"Барселона" — "Реал". Испания кубоги финали учун таркиблар маълум  22 23:32РПЛ. ЦСКА Москва дербисида "Спартак"ни мағлуб этди, Файзуллаев 72 дақиқа ўйнади  19 23:14Англия кубоги. "Кристал Пэлас" "Астон Вилла"ни йирик ҳисобда мағлуб этиб, финалга йўл олди. Лондонликлар финалда "Ноттингем Форест" — "Ман Сити" жуфтлиги ғолиби билан бош соврин учун баҳс олиб боради  5 23:00Рафинья Саудия Арабистонидан келган таклиф ҳақида: "Мен уни ўтган йили қабул қилган бўлардим. Ўшанда руҳан эзилган эдим, бу пуллар эса оилам ҳаётини бутунлай ўзгартириб юборган бўларди"  2 22:23Ҳаким Фузайлов: "VAR тизими кечикаётгани туфайли, тахминан июнь ойларида Урганчга қайтамиз"  0 22:14Суперлига. "Сўғдиёна" ўз майдонида "Андижон" устидан зафар қучди  63 22:02"Челси", "Интер Майами" ва "Комо" Де Брюйне билан музокара ўтказмаяпти. "Сити" хавбекига "Чикаго Файр"дан таклиф бор  0

Тарихда шу кун. "Қассоб" Нишимура ва манзилга етиб келган Абрамов Янгиликлар

Тарихда шу кун. "Қассоб" Нишимура ва манзилга етиб келган Абрамов

Ўзбекистон миллий терма жамоаси ЖЧ-2026 саралаш босқичи доирасида сафарда Эрон билан тўқнаш келади.

Шу  муносабат билан форсларга қарши кечган бир нечта ўйинларни ёдга олишга қарор қилдик. 

ЖЧ–2014 саралаш раундининг иккинчи босқчида Японияни иккинчи таркиб билан сафарда мағлуб этган терма жамоамиздан қолган кучли жамоалардан ҳам очко олишига умид қилса бўларди. Бунга ишқибозлар астойдил ишонардилар. Аммо, булар бизнинг ҳал қилувчи босқич олдидан ғалабага чорловчи фикрларимиз эди холос.

Вадим Абрамов шогирдларини олдинда яна бир жиддий синов кутарди. Якуний саралаш баҳсларидан олдин ташланган қуръа бизга Эрон, Жанубий Корея, Қатар, Ливан каби жиддий рақибларни тақдим қилди. Мундиалга йўл олиш учун эса кураш янада қизғин кечишини тахмин қилиш мумкин эди. Айни пайтга келиб терма жамоа аъзолари юқори спорт формасига кириб бўлган, ўзаро тушуниш яхши даражага келганди. Қатардаги Осиё кубогидан сўнг жамоа янада жипслашди, шаклланди. Аввалги босқичда 2010 йилги мундиал қатнашчиси КХДР икки бор таслим этилган, кун чиқар юрт вакилларидан икки учрашувда ҳам очко олишга эришилганди. Шунинг учун биринчи турдан ўрин олган Эрон билан ўйиндан олдин имкониятларимиз баландек кўринди.


Аммо, форслар ҳам португалиялик мураббий Карлос Кейруш қўл остида аввалгига қараганда бир мунча кучайганди. 2012 йил 3 июль куни Эрон пойтахтимиздаги “Жар” стадионида меҳмон бўлди. Мазкур беллашувни бошқариш учун ОФК ҳакамлар қўмитаси Юичи Нишимурани тайинлади. Япониялик рефери 2011 йилги Осиё Кубоги очилиш ўйинида Қатар - Ўзбекистон баҳсида ҳам ишлаганди.

Таркибимиздаги айрим етакчи футболчилар шу куни бизга ёрдам бера олишмасди. Сервер Жепаров, Санжар Турсунов, Ислом Тўхтахўжаев, Вагиз Галиулин ва Шавкат Муллажонов каби футболчилар ОФК томонидан дисквалификация қилинган эди. Сардорлик боғичи Одил Аҳмедовга ишониб топширилди.


Дастлабки дақиқалардан бошлаб терма жамоамиз устунликни қўлига олишга интилди. Айниқса, учрашувнинг биринчи ярмида жуда яхши ўйин намойиш қилишганини айтиб ўтиш жоиз. Кетма-кет ҳужумлар уюштирилди. Гол урса бўладиган вазиятлар юзага келди. Хатто, ярим ҳимоячи Одил Аҳмедов томонидан берилган кучли зарбадан сўнг тўп рақиб дарвоза чизиғини кесиб ўтганди. Бироқ, ҳакам Нишимура ва унинг ёрдамчилари ҳаққоний голни ҳисобга олишмади. Шунингдек, яна бир вазиятда эронликлар жарима майдончаси ичида тўпни қўл билан ўйнади. Лекин, ҳакам 11 метрлик нуқтага ишора қилиш ўрнига нотўғри қарор чиқарди.


Дуранг билан тугаши кутилаётган баҳснинг сўнги дақиқаларида Станислав Андреев қанотидан тезлик билан олдинга ўтган Эрон ўйинчилари тўпни Муҳаммадризо Халатборига узатади. Захирадан майдонга тушган футболчи Нестеров дарвозасини ишғол қилади - 0:1. Натижа адолатсиз эди. Боз устига ҳакамнинг ҳурмача қилиқлари ўйинга таъсирини ўтказмасдан қолмади. ЎФА раҳбарлари шу куниёқ бош мураббий Вадим Абрамовни ишдан олишади. Шошилинч қарор чиқарган мутасаддилар бўшаб қолган лавозимга Миржалол Қосимовни тайинлашади. Истеъфодан сўнг айрим футболчилар Мираброр Усмоновга Абрамовни бўшатмаслик ҳақида мурожаат қилишади. Тоқати тоқ бўлган мутасаддилар ҳеч нимани инобатга олишмайди. Аслида Абрамовнинг истеъфосига олимпия терма жамоаси билан БААдан учралган аламли мағлубият замин яратганди, чунки унда ғалаба ёки дуранг Олимпиадага бориш учун етарли бўларди. Лекин, 2:0 ҳисобида олдинда бораётиб 2:3 натижасида мағлуб бўлгандик. Эрондан қабул қилиб олинган мағлубият эса якунда барчасига нуқта қўяди.



ЖЧ – 2014 саралаш. “А” гуруҳ 1-тур.
03.06.2012. “ЖАР” стадиони. 9000 томошабин.
Ўзбекистон – Эрон. 0:1
Ҳакам:
Юичи Нишимура(Япония)
Гол: Муҳаммадризо Халатбори 90+3
Ўзбекистон: Игнатий Нестеров, Ислом Иномов, Анзур Исмоилов, Одил Аҳмедов, Станислав Андреев, Темур Кападзе, Азиз Ҳайдаров, Виктор Карпенко (Марат Бикмаев, 52), Жасур Ҳасанов (Лутфулла Тўраев, 68), Жасур Ҳасанов (Улуғбек Бакаев, 87), Александр Гейнрих.




Муаллиф : Iskandarov Abdulaziz
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика