Тарихда бугун: 19 ёшли Кримецнинг 88-дақиқадаги голи "Пахтакор"га ОЧЛда ғалаба келтирган ўйин

Фото Тарихда бугун: Ёмғирли кеча, ҳисобга олинмаган гол, "Кунг-фу Панда" ва 90-дақиқадаги гол

Бугун Осиё Чемпионлар лигаси ўтмишига суратлар ёрдамида саёхат қиламиз. Умид қиламиз, ўқувчиларимиз тарихий кадрларни томоша қилиб зерикиб қолишмайди.

ОЧЛ-2011 доирасида Тошкентда ўтказилган учрашувга тўхталамиз. Мусобақанинг "B" гуруҳидан жой олган "Пахтакор" "Ал Наср" (С.Арабистони), "Истиқлол" (Эрон) ва "Ал Садд" (Қатар) жамоалари билан плей-офф йўлланмаси учун кураш олиб борган. Афсуски, ўшанда "шерлар" гуруҳда 5 очко билан сўнгги поғонани эгаллашган.

ОЧЛ-2011 гуруҳ босқичининг 4-турида "Пахтакор" ўз майдонларида "Истиқлол"ни қабул қилган. Ўша учрашувда 19 ёшли Егор Кримецнинг 88-дақиқада киритган голи мезбонларга гуруҳдаги ягона ғалабани тақдим этган.

P.S. 9 йил олдинги ўйиндан тарихий суратларни тақдим этган таниқли фотограф Ҳасан Пирмуҳаммедовга алоҳида миннатдорчилик билдирамиз.

ОЧЛ, "B" гуруҳи
4-тур, 19.04.2011
Тошкент, "Пахтакор" марказий стадиони, 7000 томошабин
"Пахтакор" - "Истиқлол" 2:1
Бош ҳакам: Юичи Нишимура (Япония)
Голлар: С.Андреев 29, Е.Кримец 88 - А.Борҳани 45

"Пахтакор": 1.Никита Рибкин, 27.Илҳом Суюнов, 21.Камолиддин Тожиев, 2.Егор Кримец, 5.Акбар Исматуллаев, 7.Кахи Махарадзе, 29.Владимир Козак, 28.Станислав Андреев, 14.Шерзод Каримов (12.Темур Кагиров, 90), 25.Душан Савич (16.Акмал Холмуродов, 90), 23.Алишер Азизов (18.Санъат Шихов, 72).
Захира: 33.Элдор Тожибоев, 6.Мурод Холмуҳаммедов, 24.Даврон Ҳошимов, 19.Бекзод Мирҳайдаров.

"Истиқлол": 22.М.Муҳаммади, 33.П.Мунтазори, 2.А.Садеги, 31.Ж.Ширзода, 4.Ҳ.Омранзода, 32.Ҳовар Мулла Муҳаммад (6.Ҳ.Шакури, 87), 14.К.Раҳмати, 8.М.Жаббори, 17.Ф.Ашооби, 9.А.Борҳани (37.Э.Шарифат, 84), 7.Ф.Мажиди (12.М.Салеҳи, 81).

Огоҳлантиришлар: Е.Кримец 14, И.Суюнов 68 - Ҳ.Омранзода 65, А.Борҳани 71
Четлатиш: Ҳ.Омранзода 86

7000 томошабин келган ўша кунги баҳсни япониялик Юичи Нишимура бошқариб борган.

Ўша пайтда 19 ёшда бўлган Егор Кримец ҳамда 18 ёшли Владимир Козак ҳозир ҳам "Пахтакор"да.

"Пахтакор" устози Равшан Ҳайдаров.

Андреев тўпни Муртазо Жабборига бермасликка уринмоқда.

"Пахтакор" сардори Илҳом Суюнов тўп билан.

Учрашувда ҳисобни 29-дақиқада Станислав Андреев очганди.

Андреев ўша мавсум ОЧЛда иккита гол урганди.

Нишимура)))

Ёш Козак ўз авлодининг энг кучли ўйинчиси эди.

"Пахтакор" дарвозабонлар мураббийи Анвар Рашидов.

"Шерлар"га жуда кўп фойдаси теккан легионер Кахи Махарадзе.

Шерзод Каримов ОЧЛ-2011да битта гол урганди.

Тўп учун курашда Козак ва Киануш Раҳмати.