Тариқ Салмон: "Рақибимиз ўз юртбоши кўз ўнгида мағлуб бўлишни истамайди"
10 июн 2025 14:00
Янгиликлар

Тариқ Салмон: "Рақибимиз ўз юртбоши кўз ўнгида мағлуб бўлишни истамайди"

Қатар терма жамоаси ҳимоячиси Тариқ Салмон жаҳон чемпионати 3-саралаш босқичи 10-туридан ўрин олган Ўзбекистонга қарши ўйин олдидан сайтимизга кичик интервью берди.

- Бўлажак ўйин ҳақидаги фикрларингиз билан ўртоқлашсангиз...

- Ўзбекистон терма жамоасини ўз тарихида илк маротаба ЖЧ йўлланмасини қўлга киритгани билан табриклайман. Ўзбекистонга қарши ҳар доим қийналамиз, очиғи. Тўғри, сўнгги икки учрашувда биз ғалаба қозондик, аммо ҳозирги ҳолат бошқача. Рақибимиз ўз юртбоши кўз ўнгида мағлуб бўлишни истамайди. Ўзбекистон ўйиндан сўнг тарихий натижани нишонлайди, аммо биз бу ерга ғалаба қозониш учун келдик.

- Осиё Кубогида сиз билан суҳбатлашганимда, Ўзбекистон МТЖсининг таркиби кучайиб бормоқда деган эдингиз, ўша мусобақада Шомуродов иштирок этмаган эди. Ҳозир эса жароҳатланган футболчилар деярли йўқ. Ўзбекистоннинг ҳозирги таркиби ҳақида қандай фикрдасиз?

- Терма жамоангизда 3-4та ўта иқтидорли футболчилар бор. Масалан, 23 рақам. Европадаги Ҳусанов ва Шомуродовлар. "Пахтакор"даги Алижоновни ҳам хавфли футболчи деб айта оламан. Эртага ҳам жуда яқин ўйин бўлишини тахмин қилишим мумкин. Умид қиламанки, барчаси биз кутгандек бўлади.