Таиландлик мухлислар билан суҳбат

- Ўзингизни таништиринг...

- Менинг исмим Сувадита. Мен ва акам Таиланд жамоаси мухлисларимиз.

- Таиланд – Вьетнам (2:2) учрашуви ҳақида фикрингиз...

- Ўйин жуда ҳам ажойиб бўлди .Биз бу ўйинда ғалаба кутган эдик, аммо дуранг ҳам ёмон натижа эмас.

- Таиланд жамоаси гуруҳидаги рақиблари хусусида қандай фикрдасиз?

- Рақибларимиз жуда ҳам кучли, айниқса, Жанубий Корея. Улар Малайзия устидан йирик ҳисобда ғалаба қозонишди. Кейинги ўйин айнан уларга қарши кечади. Севимли жамоамизга қийин бўлади.

- Бу турнирда чемпионлик учун асосий даъвогар қайси терма жамоа деб ўйлайсиз?

- Ўйлашимча, Жанубий Корея (акасининг фикрича, Япония). Уларда талайгина юлдузлар бор.

- Ўзбекистонга келгунингизга қадар юртимиз хақида нималарни билар эдингиз?

- Ўзбекистон жамоаси "Осиё оқ бўрилари" деган лақабга эга. Технологик ва стратегик тарафдан тез ривожланаётган давлатлигини эшитганман.

- Об-ҳаво борасида нима дея оласиз?

- Бу ер иссиқ экан, аммо Таиланд янада иссиқроқ (кулади). Бироқ бу ерни об-ҳавоси Таиландникидан қуруқлиги билан фарқ қилар экан ва кечалари салқин бўларкан.

- Юртимизга қачон келдингиз?

- Бугун тонгда.

- Миллий таомларимизни татиб кўришга улгурдингизми?

- Ҳа, аммо номи эсимдан чиқди. Гуруч ва гўштдан иборат эди (палов - таҳр.). Бу таомингиз жуда машҳурлигини эшитдим. 

Учқун Азимов суҳбатлашди