Тачмурод Агамуродов: "Динамо" учун ғалаба жуда зарур эди"

- Бу учрашувдаги ғалаба биз учун жуда муҳим эди. Биринчидан турнир жадвалидаги вазият фақат ғалаба қозонишимиз шартлигини кўрсатса, иккинчидан биз Самарқанд аҳлига ғалабани тортиқ этиш истагида эдик. Хабарингиз бўлса керак, Самарқандда БМТ Жаҳон сайёҳлик ташкилоти ижроия кенгашининг сессияси бўлиб ўтмоқда. Мана шундай нуфузли ташкилотнинг йиғилиши Самарқанддек шаҳарда ўтаётганлигини футболчиларимнинг руҳиятиятига сингдиришга интилдим. Бундай шаҳар жамоасини ҳимоя қилаётган клуб шунга муносиб бўлиши лозимлигини айтдим.

Буни яхши англаган футболчиларимиз ўйиннинг дастлабки дақиқаларида икки гол уришга эришишди. Айнан ушбу голлар футболчиларимизнинг хотиржамликка берилишларига сабаб бўлди ва бунинг учун яраша жазоландик. Шунга қарамай, энг асосийси ғалабага эришдик ва турнир жадвалида ўрнимизни бироз яхшиладик, - дейди Тачмурод Шамакович.