“Сурхон” дарвозабони иккита ўйинга четлатилди

Гап шундаки, “Сурхон” жамоаси ПРО-Лиганинг 4-турида “Андижон”ни қабул қилди. Учрашувнинг 62-дақиқаси ўтиб бораётганида бош ҳакам Зокир Қодиров мезбонлар посбони Руслан Матниязовга тўғридан-тўғри қизил карточка кўрсатиб, майдондан четлатди. Бу пайтга келиб “Сурхон” 2:0 ҳисобида олдинда бораётганди. Бош мураббий Дилшод Нуралиев захирадан иккинчи дарвозабон Азамат Аҳмедовни тушириб, ҳужумчи Баҳриддин Ваҳобовни захирага олди.

Айтишларича Руслан Матниязов иккита ўйинни ўтказиб юборадиган бўлди. “Сурхон”нинг 5-турда сафарда “Норин”га қарши кечган ўйинини мухлислар қаторида кузатган Матниязов энди навбатдаги турда “Динамо”га қарши баҳсни ҳам ўтказиб юборади.