Суперлигага чиққан "Турон" клуби таркибига Тожикистон терма жамоаси аъзоси қўшилди
13 дек 2020 12:55
Янгиликлар

Суперлигага чиққан "Турон" клуби таркибига Тожикистон терма жамоаси аъзоси қўшилди

Келаси 2021 йилда суперлигада қатнашадиган Яйпаннинг "Турон" жамоаси Тожикистон терма жамоаси аъзоси Умаржон Шариповни таркибга қўшиб олди.

Умаржон Шарипов 2000 йил 5 - июнь куни Тожикистоннинг Ҳисор шаҳрида туғилган. 2017 йилдан Бохтар шаҳрининг Хатлон жамоасида ўйнамоқда. Умаржон 2020 йилги Тожикистон олий лигаси ўйинларида 17 марта майдонга тушиб 5 та голга муаллифлик қилган. Тожикистон терма жамоасидаги дебют ўйинини эса 2020 йил 3-сентябрь куни Тошкентда бизнинг терма жамоамизга қарши ўртоқлик ўйинида ўтказган. У ўйиннинг 83-дақиқасида захирадан Жаҳонгир Эргашев ўрнига тушган. Россиянинг www.transfermarkt.ru сайтининг ёзишича Умаржон Шариповнинг трансфер нархи 200 минг еврони ташкил қилади.