Суперлига. Кимнинг дарвозасига пенальти тепилмаяпти?
14 авг 04:04
Янгиликлар
Ўтказилган 105 ўйинда ҳакамлар 54 бор 11 метрли нуқтага ишора қилишди. Олдинроқ пенальтидан энг кўп фойдаланган жамоалар ҳақида маълумот бергандик. Энди жабрдийдаларга тўхталамиз.
Ўтган йилга нисбатан кўпроқ пенальти тепаётган "Сурхон" айни пайтда ундан энг кўп азият чекаётган клуб бўлиб турибди. Термизликлар дарвозасига бугунгача 9 бор 11 метрли жарима белгиланди (улардан 7 таси голга айланган).
3-ўринда яна сенсацион равишда "Пахтакор" қайд этилган. Ҳакамлар жами 6 бор "шерлар" дарвозасига пенальти белгилаган бўлса, улардан 3 таси голга айланди.
ФАКТ: 2021 йилги мавсумда "Пахтакор" дарвозаси томон фақат 1 бор пенальти тепилган, аммо зарба муваффақиятсиз чиққан эди (яъни, амалдаги чемпион ўтган мавсумда 11 метрли нуқтадан умуман гол ўтказмаган).
"Навбаҳор" жарима майдонидаги нуқтани бу йил фақатгина Акобирхўжа Шукуруллаев кўрсатди.
ФАКТ: Ўтган мавсумнинг 5-турида Фирдавс Норсафаров "Навбаҳор" дарвозасига "11" белгилаган вазият катта жанжалга сабаб бўлганди ("Пахтакор" билан ўйинда). Шундан кейин ўтказилган 36 турда Ўткир Юсупов дарвозаси томон атиги 2 марта пенальти қўйилди.
Демак, Самвел Бабаян ўз шогирдларига жарима майдонида тоза ўйнашни ўргата олибди.
2022 йил бу борада фақатгина "Металлург" "Навбаҳор"дан тозароқ ўйнаяпти. Ҳозирча бекободликлар дарвозасига пенальти тепилгани йўқ.
Тўлиқ жадвал (Нарзулла Сайдуллаев билан биргаликда тайёрланди):
| клуб номи | пенальти | гол | |
|---|---|---|---|
| 1 | "Сурхон" | 9 | 7 |
| 2 | "Қизилқум" | 7 | 5 |
| 3 | "Пахтакор" | 6 | 3 |
| 4 | "Динамо" | 6 | 5 |
| 5 | "Олимпик" | 6 | 3 |
| 6 | "Нефтчи" | 4 | 3 |
| 7 | "Локомотив" | 3 | 3 |
| 8 | "Бунёдкор" | 3 | 2 |
| 9 | "Сўғдиёна" | 3 | 2 |
| 10 | АГМК | 2 | 2 |
| 11 | "Насаф" | 2 | 2 |
| 12 | "Қўқон-1912" | 2 | 2 |
| 13 | "Навбаҳор" | 1 | 1 |
| 14 | "Металлург" | 0 | 0 |
Шунингдек, пенальти қайтариш борасида Санжар Қувватов бошқа ҳамкасбларига мастер-класс кўрсатяпти. "Пахтакор" посбони ўз дарвозасига тепилган иккала пенальтини ҳам бартараф қилди.
Муаллифнинг телеграмдаги канали → ФА| футбол АНАЛИЗИ
Ўхшаш янгиликлар
championat.asia
Ўртоқлик учрашуви. Ўзбекистон ЖЧ-2022 иштирокчиси Камерунни мағлуб этди
Ўртоқлик учрашуви. Қирғиз Республикаси сўнгги дақиқаларда ўтказиб юборилган гол эвазига Россияга мағлуб бўлди
Ўртоқлик учрашуви. Ўзбекистон олимпия терма жамоаси Жанубий Корея билан дуранг ўйнади
Ўзбекистон МТЖнинг Камерунга қарши ўйин учун бошланғич таркиби аниқ
Фикрлар
Bu maqola aslida Paxtakorga pinalti belgilanganidan keyin chiqti
Shuni 1 mavsum yakunida chiqarsa boʻlardiku
Navbahor treneri bu yil o'yinlarni yaxshigina manipulyaziya qilyapti, hakamlar esa u bilan tortishishdan qo'rqib jimgina penalti bermayapti, yoki Navbahor raqiblarini bemalol sariq/qizil bilan jazolayapti. 1) Chunki hakamlarni o'zlari qoidalarni yaxshi bilishmaydi, saviyasi past. 2) Navbahor muxlislari Babayanni qo'llab-quvvatlayapti, ular qiziqqon muxlislar, hakamlar stadionda to'polon chiqib ketmaslikni oldini olishayapti, bu Babayanga qo'l kelayapti. Bu holat qaysi jamoaning raqibi eng ko'p sariq/qizil olyapti, degan mavzuda tahlil qilib ko'rilsa aniq ko'rinadi. Babayanga ham bir ikki marta sariq/qizil kartochka berilmaguncha u o'zini bosvolmaydi va hakamlarni qo'rqitishda davom etadi.
"Шундан кейин ўтказилган (oxirgi) 36 турда Ўткир Юсупов дарвозаси томон атиги 2 марта пенальти қўйилди.
Демак, Самвел Бабаян ўз шогирдларига жарима майдонида тоза ўйнашни ўргата олибди."