Суперлига. Бугун 11-тур старт олади ва Қўқонда стадион очилади
15 июн 2019 08:20
Янгиликлар

Суперлига. Бугун 11-тур старт олади ва Қўқонда стадион очилади

Бугун Ўзбекистон Суперлигасида 11-тур учрашувлари бошланади.

18:00 - ҚЎҚОН-1912 — ДИНАМО
"Қўқон-1912" бу мавсумда Қўқондаги илк ўйинини шу тур ўтказади. Самарқанднинг "Динамо" клуби сафарда 4та ўйинда майдонга тушди ва умуман ғалаба қозона олмади (2 дуранг ва 2 мағлубият).

"Динамо"нинг мағлубиятсиз серияси 5та ўйинга етди (1 ғалаба ва 4 дуранг). "Қўқон-1912" бу мавсумда ҳозиргача энг кўп гол ўтказган клуб бўлиб турибди - 22та.

Қўқонликлар эса аксинча бешта ўйиндан буён юта олишмаяпти (1 дуранг ва 4 мағлубият).

Бу клублар Ўзбекистон чемпионатида жами 18 марта тўқнаш келишган. Натижалар водий клубининг устунлигини кўрсатмоқда. Қўқонликлар 8 марта ғалаба қозонишган. Беш марта Самарқанд клуби зафар қучган ва яна бешта учрашувда дуранг қайд этилган.

"Динамо" ўз тарихида ҳеч қачон Қўқондан ғалаба билан қайта олмаган - 3 дуранг ва 6 мағлубият.

Қўқон-1912

Суперлига. 11-тур

15/06/2019, 18:00

Тугади

Динамо

Бобур Қосимов - 21', Жасур Азимов - 23', Жасур Азимов - 28', Миркомил Лоқаев - 46'

45'

90'

Матч-центрда очиш

19:30 - ЛОКОМОТИВ — СУРХОН
Мусобақа жадвалида икки ва учинчи ўринда бораётган клублар ўртасидаги баҳс. "Сурхон" устози Андрей Микляев собиқ клубига қарши.

"Локомотив" 9та турдан буён ютқазмай келмоқда (6 ғалаба, 3 дуранг). Охирги 3та ўйинда "темирйўлчилар" дарвозасига ҳеч қайси клуб гол ура олмади.

Амалдаги чемпион бу йил ўз майдонида умуман ютқазмади - 4 ғалаба, 2 дуранг. "Сурхон"нинг сафардаги кўрсаткичлари: 2 ғалаба ва 2 мағлубият.

Бу клублар ушбу мавсумда энг кам гол ўтказган жамоалар ҳисобланишади: "Локомотив" 7, "Сурхон" 8.

"Локомотив" ҳамда "Сурхон" Ўзбекистон чемпионатида фақат 2004 йилги мавсумда ўзаро куч синашишган. Қизиғи иккала баҳсда ҳам ҳисоб очилмаган. Яъни ўзаро ўйинларда ҳеч бир томон гол ура олмаган.

Локомотив

Ислом Тухтахўжаев - 16', Йован Жокич - 27', Арсланмират Аманов - 67', Темурхўжа Абдухолиқов - 73', Азизбек Амонов - 88'

Суперлига. 11-тур

15/06/2019, 19:30

Тугади

Сурхон

Аббосбек Махсаталиев - 79'

45'

90'

Матч-центрда очиш

20:00 - ҚИЗИЛҚУМ — СЎҒДИЁНА
Ушбу мавсумда умуман дуранг ўйнамаган ягона клуб Навоийда меҳмон бўлади.

"Қизилқум" учта турдан буён ғалаба нималигини билмай келмоқда (2 дуранг, 1 мағлубият). "Сўғдиёна" эса аксинча охирги учта ўйиннинг барчасида ғалаба қозонди.

Ўзаро ўйинлар тарихига назар солсак 32та учрашувнинг тенг ярмида "Қизилқум" ғолиб бўлганини кўриш мумкин. Етти ўйинда Жиззах клубининг қўли баланд келган. Қолган 9 учрашувда дуранг кузатилган.

Эътиборлиси "Қизилқум" ўз майдонида ҳеч қачон бу жамоага ютқазмаган экан - 11та ғалаба ва 5та дуранг.

Қизилқум

Элгужа Григалашвили - 60'

Суперлига. 11-тур

15/06/2019, 20:00

Тугади

Сўғдиёна

Кахи Махарадзе - 8'

45'

90'

Матч-центрда очиш

Ҳавола :

Манба : championat.asia