UZ

Сўнгги янгиликлар

20:07Суперлига. ОКМК - «Бунёдкор» 0:0 (Матнли трансляция)  1 20:00Суперлига. "Қизилқум" – "Локомотив" 0:0 (матнли трансляция)  3 19:45"Ливерпуль" "Ювентус" ҳимоячисини сотиб олмоқчи  0 19:19"Челси" ва "Атлетико" "Атланта Юнайтед" ўйинчисига даъвогар  1 18:43"Манчестер Юнайтед" ва "Атлетико" "Болонья" ҳимоячисига қизиқмоқда  0 18:00Максим Шацких: "Украина терма жамоаси ҳозирги таркиб билан Еврода узоққа бориши мумкин"  12 17:26Про лига. "Машъал" сафарда "Олимпик-MobiUz" билан дуранг ўйнади  4 17:11АПЛ болбойларнинг ўйинга таъсирини чеклайди  1 16:45МЮ "Ювентус" футболчиси учун ўз вингерини беришга ва қўшимча тўлов қилишга тайёр  1 16:11"Барселона" тарбияланувчисини қайтармоқчи  2 15:41"Ницца" АПЛ клублари қизиқаётган ҳимоячиси учун нарх белгилади  0 15:10ПСЖнинг 2 нафар футболчиси сафга қайтди  0 14:08Шенсни "Юве"да қолиши учун маоши камайишига рози бўлиши керак  1 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  9

Суперлига: 1-давра рамзий терма жамоаси Янгиликлар

Суперлига: 1-давра рамзий терма жамоаси

Суперлиганинг биринчи давра рамзий терма жамоасини тузиб чиқдик.

Суперлиганинг 1-давра ўйинларида ўзининг ёрқин ўйинлари ва самарали ҳаракатлари билан ўз жамоаси натижаларига яхши тарафдан таъсир қилган футболчилардан иборат рамзий терма жамоани эътиборингизга ҳавола этамиз.


Суперлигада кўплаб жамоаларимиз асосан ҳозирги замонавий футболда классик тактик схемага айланган 4-2-3-1га асосан ҳаракатланади. Шу боисдан ҳам биринчи давра рамзий терма жамоасини мазкур схема асосида жойлаб чиқдик.


Дарвозабон масаласида танлов у қадар кўп бўлмади. Чунки кўплаб жамоаларда бир қатор киперлар биринчи давра давомида кўп алмаштирилди. Нисбатан мунтазам ва барқарор ўйнаган дарвозабонлар ичидан Жавоҳир Илёсов ва Ўткир Юсуповни келтириш мумкин. Нисбатан яхши кўрсаткич қайд этган ва кўпроқ ўйин ўтказгани ҳамда жамоаси юқори ўринда бўлишида ўз ҳиссасини кўшгани учун Жавоҳир Илёсов вариантида тўхталдик. 

Ўнг қанот ҳимоясига "Насаф" вакили Дилшод Саитов номзодини муносиб кўрдик. Дилшод Саитов биринчи давра мобайнида мунтазам ва барқарор ўйини эвазига эътирофга лойиқ кўрилди. Саитов 13 ўйинда 4 та гол уришга ҳам муваффақ бўлди. Нафақат ҳимояда, балки ҳужумда ҳам самарадор ўйин кўрсатган қанот вакилининг тўрттала голи ҳам якунда "Насаф"га муҳим очколарни келтиргани билан ҳам қадрли бўлди.


Марказий ҳимояга "Бунёдкор"даги тажрибали Анвар Ғофуров ва "Пахтакор" вакили Егор Кримецни киритдик. Ғофуров ёш "Бунёдкор" таркибида Тўраев билан биргаликда яхши мувозанатни тиклаб турган бўлса, Кримец "Пахтакор" мудофаасида ишончли ўйин кўрсатмоқда.

Чап қанот ҳимоясига "Пахтакор"дан Фарруҳ Сайфиев варианти танланди. Сайфиев жорий мавсумни жуда кўтаринки руҳда ва барқарор ўтказмоқда. Сайфиев нафақат ҳимояда, балки жамоасининг ҳужумларига қўшилишда ҳам анча фаол ўйнади.

Таянч нуқтасида "Бунёдкор" ярим ҳимоячиси Лутфулла Тўраевни муносиб кўрдик. Сабаби, Тўраев "Бунёдкор"нинг уш таркибини тўлиқ назорат қилишда ва ўйинни бошқаришда биринчи даврада барчада илиқ таассурот қолдирди. "Қалдирғочлар"нинг ўйини айнан Тўраев атрофида қурилаётгани ва жамоа натижалари ҳам яхши бўлаётганида футболчининг хизматлари беқиёс. Шу боисдан ҳам таянч нуқтасига Лутфулла Тўраев қўйилди.

"Сурхон"нинг ҳақиқий етакчисига айланган Шавкат Саломов биринчи даврада ёрқин ўйинлари билан жуда кўпчиликда илиқ таассурот қолдирди. Термизликларнинг муваффақиятли ўйини айнан Саломовнинг ҳаракатларига боғланиб қолган. Унинг биринчи даврада кўрсатган ўйини ва кўрсаткичлари ҳам фикримизга тасдиқ бўлади. Шу боисдан ҳам марказий ярим ҳимояга Шавкат Саломов номзоди эътироф этилди.

Қанот вингерлари ичидан рамзий терма жамоага "Пахтакор"дан Жалолиддин Машарипов ва "Навбаҳор" легионери Иван Соловьёв лойиқ кўрилди. Машарипов ва Соловьёв жамоаси ўйинларида асосий фигуралардан бирига айланишгани ҳеч кимга сир эмас.

"Пахтакор" ва "Навбаҳор"нинг ҳужумдаги ижодкорлиги айнан мазкур футболчиларнинг ҳаракатларига боғлиқ.  ҳам Машарипов ва Соловьёв энг яхши ассистентлар рўйхатида юқори ўринларда бормоқда. Шу боисдан ҳам улар рамзий терма жамоага киритилди.

Ҳужумчи ортида айни пайтда чемпионатимиздаги энг самарадор ва кучли футболчи бўлиб турган сербиялик легионер Драган Черанни қўйдик. Суперлига тўпурарлар рўйхатида катта фарқ билан пешқадамлик қилаётган Черан "Пахтакор"да бўлгани каби ҳужумчи ортига қўйилди. 

Ҳужумда эса "Навбаҳор"да порлаган Александр Касьян танланди. Ажойиб ўйинлари ва тўпурарлар баҳсида ўзининг голлари билан Черанга рақобат туғдиришга интилаётган россиялик футболчи "Навбаҳор"нинг асосий кучига айланган. Суперлиганинг биринчи давра учрашувларида барқарор ва самарадор ўйин кўрсатган ушбу легионер рамзий терма жамоадан ҳақли равишда ўрин олди.


Суперлига. 1-давра рамзий терма жамоаси (4-2-3-1)

Дарвозабон: Жавоҳир Илёсов ("Локомотив") 13 ўйин, 7 қуруқ, -10

Ҳимоячилар: Дилшод Саитов ("Насаф") 13 ўйин, 4 гол, Анвар Ғофуров ("Бунёдкор") 11 ўйин, Егор Кримец ("Пахтакор") 10 ўйин, 2 гол, Фарруҳ Сайфиев ("Пахтакор") 11 ўйин, 1 голли узатма

Марказий ярим ҳимоячилар: Лутфулла Тўраев ("Бунёдкор") 10 ўйин, 1 гол, 1 ассист, Шавкат Саломов ("Сурхон") 13 ўйин, 2 гол, 7 ассист

Қанот вингерлари: Жалолиддин Машарипов ("Пахтакор") 13 ўйин, 2 гол, 9 ассист, Иван Соловьёв ("Навбаҳор") 13 ўйин, 1 гол, 4 ассист

Ҳужумчи ортида: Драган Черан ("Пахтакор") 13 ўйин, 15 гол, 1 ассист

Ҳужумчи: Александр Касьян ("Навбаҳор") 13 ўйин, 9 гол


Биринчи давранинг энг яхши мураббийи — Шота Арвеладзе ("Пахтакор") 13 ўйин, 11 ғалаба ва 2 дуранг


Рейтинг: +39   

Фикрлар

championat.asia
< сўнгги янгиликларни кўриш
Яндекс.Метрика