Суҳроб Нуруллоев: "Мухлислар бизни ҳайрон қолдиришди"
25 май 2022 01:49
Янгиликлар

Суҳроб Нуруллоев: "Мухлислар бизни ҳайрон қолдиришди"

Қаршининг "Насаф" жамоаси Суперлиганинг навбатдаги турида сафарда "Бунёдкор"ни йирик ҳисобда таслим қилди (4:1).

Учрашувдан сўнг "аждарлар" ярим ҳимоячиси Суҳроб Нуруллоев фикрларини билдириб ўтди.

"Ўйин қийин ўтишини билар эдик. Биринчи бўлиб дарвозамиз ишғол қилинди. Шунга қарамай, устунликни қўлимизга олдик. Стадионга ташриф буюрган мухлислар бизни ҳайрон қолдиришди. Очиғи, сафар ўйинига бунчалик кўп ишқибоз келишини кутмагандик. Ғалабамизда уларнинг ҳам катта ёрдами тегди.
"Бунёдкор" ўз услубига эга, тўп билан яхши муомала қиладиган жамоа. Доим муносиб рақиб бўлиб қолади. Уларни кучсиз демаган бўлардим. Шунчаки бугун биз мураббийлар кўрсатмасин тўғри бажардик", – деди Суҳроб Нуруллоев.

Ҳавола :

Манба : championat.asia

Янгиликларни Телеграмда ўқинг!

Рейтинг: +18